കേരളത്തില് ഇന്ന് 20 പേര്ക്ക് കോവിഡ് സ്ഥിരീകരിച്ചതായി സംസ്ഥാന ആരോഗ്യമന്ത്രി കെ. കെ ശൈലജ. ഇതില് 18 പേര് വിദേശത്ത് നിന്ന് എത്തിയവരാണ്. കണ്ണൂര് ജില്ലയില് 8 ,കാസർകോട് ജില്ലയില് 7,തിരുവനന്തപുരം, എറണാകുളം, തൃശൂര്, പാലക്കാട്, മലപ്പുറം ജില്ലകളില് 1 എന്നിങ്ങിനെയാണ് രോഗം സ്ഥിരീകരിക്കപ്പെട്ടത്. രണ്ടു പേര്ക്ക് സമ്പര്ക്കത്തിലൂടെയും രോഗം ബാധിച്ചിട്ടുണ്ട്.
തിരുവനന്തപുരം ജില്ലയില് രോഗം സ്ഥിരീകരിച്ചയാള് നിലവില് തിരുവനന്തപുരം മെഡിക്കല് കോളജില് ഐസലേഷന് ഐസിയുവില് ചികിത്സയിലാണ്. എറണാകുളം ജില്ലയിലെ ഒരു ആരോഗ്യ പ്രവര്ത്തകനും രോഗം സ്ഥിരീകരിച്ചവരില് ഉള്പ്പെടുന്നുണ്ട്. പത്തനംതിട്ട ജില്ലയിൽ നിലവില് ചികിത്സയിലായിരുന്ന 4 പേരുടെ പരിശോധനാഫലം നെഗറ്റീവ് ആയി. സംസ്ഥാനത്താകെ 202 പേര്ക്കാണ് ഇതുവരെ രോഗബാധ സ്ഥിരീകരിച്ചത്.
ഇവരില് 1,40,618 പേര് വീടുകളിലും 593 പേര് ആശുപത്രികളിലും നിരീക്ഷണത്തിലാണ്. രോഗലക്ഷണങ്ങള് ഉള്ള 6690 വ്യക്തികളുടെ സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 5518 സാമ്പിളുകളുടെ പരിശോധനാ ഫലം നെഗറ്റിവ് ആണ്.
