സംസ്ഥാനത്ത് കോവിഡ് കേസുകള് വര്ദ്ധിക്കുന്ന പശ്ചാത്തലത്തില് സമ്പൂർണ ലോക്ഡൗണ് പരിഗണിക്കേണ്ടതായി വരുമെന്ന് മുഖ്യമന്ത്രി പിണറായി വിജയന്. സമ്പൂർണ അടച്ചിടല് വിദഗ്ധരടക്കം പങ്കുവെക്കുന്നുണ്ടോ എന്ന ചോദ്യത്തിനായിരുന്നു മുഖ്യമന്ത്രിയുടെ മറുപടി.
‘നേരത്തെ നമ്മള് സമ്പൂർണ ലോക്ഡൗണ് നടത്തിയതാണ്, ഇപ്പോള് അങ്ങനെ ചില അഭിപ്രായങ്ങള് വരുന്നുണ്ട്, അത് ഗൗരവമായി പരിഗണിക്കേണ്ടതായി വരും. ഇപ്പോള് തീരുമാനിച്ചിട്ടില്ലെന്നും എന്നാല് അത് ഗൗരവമായി പരിഗണിക്കേണ്ടതായിട്ടു വരുമെന്നാണ് തോന്നുന്നതെന്നും അദ്ദേഹം മാധ്യമങ്ങളോട് പറഞ്ഞു.
