ജനങ്ങളുടെ സഹകരണത്താലാണ് കാസര്കോട് കോവിഡ്-19 രോഗം നിയന്ത്രണ വിധേയമായതെന്ന് ഐ.ജി വിജയ് സാഖറെ. കാസർകോട് ചേംബർ ഓഫ് കൊമേഴ്സ് ആൻഡ് ഇൻഡസ്ട്രീസ് ഭാരവാഹികൾ ഐ.ജിയുമായി നടത്തിയ കൂടിക്കാഴ്ചയിലാണ് അദ്ദേഹം ഇങ്ങിനെ അഭിപ്രായപ്പെട്ടത്. കാസർകോട് ജില്ലയിലെ വ്യാപാര സമൂഹത്തിന്റെ ഉൽക്കണ്ഠയും ലോക് ഡൗണിനു ശേഷമുള്ള വെല്ലുവിളിയെയും പറ്റി ചേംബർ ഭാരവാഹികൾ ഐ.ജിയെ ധരിപ്പിച്ചു.
മെയ് 3 നു ശേഷം ലോക് ഡൗൺ എടുത്തു കഴിഞ്ഞാൽ തന്നെ ജനങ്ങളുമായുള്ള അകലം നിർബന്ധമായും പാലിക്കണമെന്നും കടകളെല്ലാം തുറന്നതിനു ശേഷം ആവശ്യ സാധനങ്ങൾ എല്ലാം ഹോം ഡെലിവറിയായി എത്തിക്കാൻ ശ്രമിക്കണമെന്നും കൊറോണ രോഗത്തിനുള്ള വാക്സിൻ കണ്ടുപിടിക്കുന്നത് വരെ ഈ രോഗം ഭീഷണിയാണെന്നും ഐ.ജി പറഞ്ഞു.
കൊറോണ രോഗം പടരാതിരിക്കുവാനും നിയന്ത്രിക്കുവാനും ജില്ലയിൽ പോലീസ് ഡിപ്പാർട്ട്മെൻറ് എടുത്ത തീരുമാനത്തിന് ഐ.ജി വിജയ്റെസാഖക്കും അശോക് യാദവ്( ഐ. ജി. പി നോർത്ത് സോൺ) ജില്ലാ പോലീസ് മേധാവി പി. എസ് സാബുവിനും ചെംബർ ഓഫ് കൊമേഴ്സ് നന്ദി അറിയിച്ചു ഇതോടൊപ്പം പ്രശസ്ത ചിത്രകാരൻ ഭാര ഭാസ്കർ വരച്ച ബേക്കൽ ഫോർട്ടിന്റെ ചായ ചിത്രം കാസർകോട് ചേംബർ ഓഫ് കൊമേഴ്സ് മുഖ്യരക്ഷാധികാരി എൻ എ അബൂബക്കർ ജനറൽ സെക്രട്ടറി മുഹമ്മദലി ഫത്താഹ് എന്നിവർ ചേർന്ന് കൈമാറി.
