ചൊവ്വയില് മനുഷ്യവാസം സാദ്ധ്യമാക്കുമെന്ന് മുന് നാസ ശാസ്ത്രജ്ഞയും എയ്റോസ്പേസ് എഞ്ചിനീയറുമായ ഡോ.അനിതാ സെന്ഗുപ്ത. ഭൂമിയില് മാത്രമല്ല സൗരയൂഥത്തിന് അകത്തും പുറത്തും ജീവന് സാധ്യമാകുന്ന നിരവധി ഗ്രഹങ്ങളുണ്ട്. പ്രപഞ്ചത്തിലെ ഒരേഒരു ജീവി മനുഷ്യന് മാത്രമല്ല, മറ്റ് ഗ്രഹങ്ങളിലും ജീവജാലങ്ങള് വസിക്കുന്നുണ്ടാകാമെന്ന് അനിത സെന്ഗുപ്ത പറഞ്ഞു.
ബഹിരാകാശ ശാസ്ത്രത്തിന് ചെലവഴിക്കുന്ന പണം സമൂഹത്തിൻ്റെ പുരോഗതിക്ക് വേണ്ടിയാണെന്നാണ് അനിത സെന്ഗുപ്ത പറഞ്ഞത്. ബഹിരാകാശ പരിപാടികളില് നിന്ന് നമുക്ക് നിരവധി മികച്ച സാങ്കേതികവിദ്യകള് ലഭിച്ചിട്ടുണ്ട്. ഇത് നമ്മുടെ ജീവിത നിലവാരം മെച്ചപ്പെടുത്തുന്നു. മെച്ചപ്പെട്ട സമൂഹം കെട്ടിപ്പടുക്കാന് സഹായിക്കുന്നു. ബഹിരാകാശ ശാസ്ത്രം ലോകത്തെയും സമൂഹത്തെയും മികച്ചതാക്കിയെന്നും അനിത അഭിപ്രായപ്പെട്ടു.
ഏകകോശ ജീവികള് ഉണ്ടെങ്കിലും മറ്റ് ഗ്രഹങ്ങളിലും ജീവന് സാധ്യമാണ്. സൗരയൂഥത്തിലെ ഒരേയൊരു ജീവിയാണ് നമ്മള് എന്ന് ഒരിക്കലും വിശ്വസിച്ചിട്ടില്ലെന്ന് ഡോ.അനിതാ സെന്ഗുപ്ത പറഞ്ഞു. വ്യാഴത്തിൻ്റെ ഉപഗ്രഹമായ യൂറോപ്പയില് ജീവനുണ്ടാകാം. കാരണം അവിടെ ഒരു മഞ്ഞുമൂടിയ കടല് ഉണ്ട്. അവിടെ അന്യഗ്രഹ ജീവികളും ഉണ്ടാകാം. ശനിയുടെ ചന്ദ്രനില് ജൈവവസ്തുക്കളും ഉണ്ട്. അവിടെയും ജീവിതമുണ്ടാകാമെന്നും അനിത സെന്ഗുപ്ത പറഞ്ഞു.
ഭൂമിയിലെ യഥാര്ത്ഥ പ്രശ്നങ്ങള് പരിഹരിക്കാന് ബഹിരാകാശ ശാസ്ത്രം വളരെ പ്രധാനമാണെന്ന് ഡോ.സെന്ഗുപ്ത പറഞ്ഞു. ‘നാസയ്ക്ക് വേണ്ടി ഞാന് ഇതുവരെ ചെയ്തതെല്ലാം സമൂഹത്തെയും ഭൂമിയെയും മെച്ചപ്പെടുത്താനാണ്. ഭൂമിയും കാലാവസ്ഥാ വ്യതിയാനവും മെച്ചപ്പെടുത്തുക എന്നതാണ് എൻ്റെ അടുത്ത ദൗത്യം. നിലവില് ഞാന് ഹൈഡ്രോപ്ലെയിനിലാണ് ജോലി ചെയ്യുന്നത്. അതില് ശബ്ദമോ മലിനീകരണമോ ഇല്ല. ബഹിരാകാശ ദൗത്യത്തിനായി ഹൈഡ്രജന് ഇന്ധനമാണ് ആദ്യം വികസിപ്പിച്ചതെന്ന് ഡോ.സെന്ഗുപ്ത പറഞ്ഞു.
