രാജ്യത്തെ കർഷകർ നയിക്കുന്ന ‘ഡൽഹി ചലോ’ മാര്ച്ചിന് ഡല്ഹിയില് പ്രവേശിക്കാന് അനുമതി. രാജ്യതലസ്ഥാനത്തേക്ക് പ്രതിഷേധവുമായെത്തിയ കര്ഷകര്ക്ക് പ്രവേശിക്കാന് അനുമതി നല്കുന്നതായി ഡൽഹി പൊലീസ് കമ്മിഷണര് അറിയിക്കുകയായിരുന്നു. ‘പ്രതിഷേധിക്കുന്ന കര്ഷകര്ക്ക് രാജ്യതലസ്ഥാനത്ത് പ്രവേശിക്കാം. ബുരാരിയിലെ നിരാങ്കരി സംഘം ഗ്രൗണ്ടില് അവര്ക്ക് പ്രതിഷേധം തുടരാം.’ കമ്മിഷണര് അറിയിച്ചു.
ഇന്നലെയായിരുന്നു കേന്ദ്ര സര്ക്കാരിന്റെ പുതിയ കാര്ഷിക നിയമങ്ങള് പിന്വലിക്കണമെന്നാവശ്യപ്പെട്ടുള്ള കര്ഷകരുടെ ഡൽഹി ചലോ പ്രതിഷേധ മാര്ച്ച് ആരംഭിക്കുന്നത്. എന്നാല് കര്ഷകരെ രാജ്യതലസ്ഥാനത്ത് പ്രവേശിപ്പിക്കില്ലെന്ന് നിലപാടിലായിരുന്നു കേന്ദ്ര സര്ക്കാര്.
അതുകൊണ്ടുതന്നെ സമരത്തിന് നേതൃത്വം നല്കിയ നിരവധി നേതാക്കളെ അറസ്റ്റ് ചെയ്യുകയും ചെയ്തിരുന്നു. എന്നാല് കര്ഷകര് സമരവുമായി മുന്നോട്ടു തന്നെ പോവുകയായിരുന്നു.
ഇതിനിടയില് കോണ്ക്രീറ്റ് ബാരിക്കേഡുകളും മുള്കമ്പികളും ട്രക്കും കണ്ടെയ്നറുകളുമായി പോലീസ് പ്രതിഷധേക്കാരെ ഡൽഹിയുടെ അതിര്ത്തികളില് തടയാന് ശ്രമിച്ചു. പക്ഷേ പലയിടങ്ങളിലും കര്ഷകര് ഇവ തള്ളിമാറ്റി കൊണ്ട് മുന്നോട്ടു നീങ്ങുകയായിരുന്നു.
