തൃശൂര്: കെ മുരളീധരൻ്റെ അനുയായിയും ഡി.സി.സി സെക്രട്ടിയുമായ സജീവന് കുര്യച്ചിറയെ കൈയേറ്റം ചെയ്ത സംഭവത്തില് തൃശൂര് ഡി.സി.സി പ്രസിഡണ്ട് ജോസ് വള്ളൂരിനെതിരെ കേസെടുത്തു. തൃശൂര് ഈസ്റ്റ് പൊലീസാണ് കേസെടുത്തിരിക്കുന്നത്.
ലോക്സഭ തെരഞ്ഞെടുപ്പില് കോണ്ഗ്രസ് സ്ഥാനാര്ഥി കെ.മുരളീധരന് മൂന്നാം സ്ഥാനത്തേക്ക് പിന്തള്ളപ്പെട്ടതിന് പിന്നാലെയാണ് ഡി.സി.സി ഓഫീസില് നാടകീയ രംഗങ്ങള് അരങ്ങേറിയത്.
സജീവന് കുര്യച്ചിറയെ ഡി.സി.സി പ്രസിഡണ്ട് ജോസ് വള്ളൂരും അനുകൂലികളും ചേര്ന്ന് പിടിച്ചു തള്ളിയെന്നാണ് പരാതി. ജോസ് വള്ളൂര് ഉള്പ്പെടെ 20 പേര്ക്കെതിരെ തടഞ്ഞു നിര്ത്തി കൈയ്യേറ്റം ചെയ്തു എന്ന കുറ്റം ചുമത്തിയാണ് കേസെടുത്തിരിക്കുന്നത്. ചികിത്സയില് കഴിയുന്ന സജീവന് കുര്യച്ചിറയുടെ മൊഴി പൊലീസ് രേഖപ്പെടുത്തി.
അതേസമയം, പരിക്കേറ്റവര് പരാതി നല്കാത്ത സാഹചര്യത്തില് ഡി.സി.സി ഓഫീസില് ഉണ്ടായ കൂട്ടത്തില്ലില് ഇതുവരെ കേസെടുത്തിട്ടില്ല. സംഭവത്തില് കോൺഗ്രസ് സംസ്ഥാന നേതൃത്വത്തിന് കടുത്ത അതൃപ്തിയുണ്ടായി. ഡി.സി.സി കമ്മിറ്റി പിരിച്ചു വിടുന്ന തരത്തിൽ കർശന നടപടി ഉണ്ടായെക്കുമെന്നാണ് സൂചന.
