മഹാരാഷ്ട്രയിൽ ബി.ജെ.പിയുടെ ഓപ്പറേഷൻ താമര വിജയത്തിലേക്ക് കടക്കുകയാണ് ഏക്നാഥ് ഷിന്ദേയുടെ നേതൃത്വത്തിലുള്ള വിമതരുടെ ആവശ്യത്തിന് മുന്നില് ശിവസേന നേതൃത്വം മുട്ടുമടക്കി. എന്.സി.പി-കോണ്ഗ്രസ് സഖ്യം വിടാന് തയ്യാറാണെന്ന് ശിവസേന അറിയിച്ചു. മുതിര്ന്ന നേതാവ് സഞ്ജയ് റാവുത്താണ് ഇക്കാര്യം അറിയിച്ചത്.
‘എം.എല്.എമാര് ഗുവാഹട്ടിയില് നിന്ന് ആശയവിനിമയം നടത്തരുത്. അവര് മുംബൈയില് വന്ന് മുഖ്യമന്ത്രിയുമായി കാര്യങ്ങള് ചര്ച്ചചെയ്യണം. എല്ലാ എം.എല്.എമാരുടെയും ഇഷ്ടം ഇതാണെങ്കില് മഹാവികാസ് അഘാഡിയില്നിന്ന് പുറത്തുപോകുന്നത് പരിഗണിക്കാന് ഞങ്ങള് തയ്യാറാണ്. എന്നാല് അതിനായി അവര് ഇവിടെ വന്ന് മുഖ്യമന്ത്രിയുമായി ചര്ച്ച ചെയ്യണം’, സഞ്ജയ് റാവുത്ത് മുംബൈയില് പറഞ്ഞു.
അതേസമയം, റാവുത്തിൻ്റെ വാക്കുകള് പൂര്ണ്ണമായും വിശ്വാസത്തിലടെുക്കാന് വിമത എം.എല്.എമാര് തയ്യാറായിട്ടില്ല. ശിവസേനാ എം.എല്.എമാരെ സൂറത്തിലേക്ക് തട്ടികൊണ്ടുപോയതാണെന്നും സഞ്ജയ് റാവുത്ത് ആരോപിച്ചു. വിമത ക്യാമ്പില് നിന്ന് രക്ഷപ്പെട്ടെന്ന് പറയുന്ന എം.എല്.എമാരായ കൈലാസ് പാട്ടീല്, നിതിന് ദേശ്മുഖ് എന്നിവരും സഞ്ജയ് റാവുത്തിനൊപ്പം മാധ്യമങ്ങള്ക്ക് മുന്നിലെത്തി. സൂറത്തില്നിന്ന് തങ്ങള് കിലോമീറ്ററുകളോളം ഓടിയാണ് രക്ഷപ്പെട്ടതെന്നും അവര് വിവരിച്ചു. തങ്ങള് ശിവസേനയെ കൈവിടില്ലെന്നും അവര് പറഞ്ഞു.
