അന്തരിച്ച പ്രമുഖ നടന് തിലകന്റെ മകന് ഷാജി തിലകന് (55) അന്തരിച്ചു. സീരിയല് നടനാണ് ഷാജി തിലകന്. അച്ഛനെയും സഹോദരനെയും പോലെ പ്രതീക്ഷിച്ച രീതിയില് വെള്ളിത്തിരയില് തിളങ്ങാന് സാധിക്കാതെ വന്ന ഒരു പ്രതിഭ എന്ന വിശേഷണം ആകും ഇദ്ദേഹത്തിന് കൂടുതല് ചേരുക. കരള് സംബന്ധമായ അസുഖത്തെ തുടര്ന്ന് അമൃത ആശുപത്രിയില് ചികിത്സയിലായിരുന്നു. ചാലക്കുടി എലിഞ്ഞിപ്ര കടുങ്ങാടായിരുന്നു താമസം.
തൊണ്ണൂറുകളുടെ അവസാനത്തില് സാഗര ചരിതം എന്ന സീരിയലില് ചെറിയ വേഷം ചെയ്താണ് ഷാജി തുടക്കം കുറിച്ചത്. എന്നാല്, ആ പരമ്പര പുറത്തുവന്നിരുന്നില്ലെന്ന് ഗണേഷ് ഓലിക്കര പറയുന്നു. 2014ല് അനിയത്തി എന്ന പരമ്പരയില് ഒരു വില്ലന് വേഷം ചെയ്താണ് ശ്രദ്ധേയമായത്. ആ വേഷം കുടുംബപ്രേക്ഷകര് ഇന്നും ഓര്ത്തുവെക്കുന്നു. സീരിയലുകളില് ചില വേഷങ്ങള് ചെയ്തു എന്നത് ഒഴിച്ച് നിര്ത്തിയാല് അഭിനയത്തില് ഷമ്മി തിലകനെ പോലെ മികവ് തെളിയിക്കാന് ഷാജിക്ക് കഴിഞ്ഞിട്ടില്ല.
