ജൂഡ് ആന്റണി ജോസഫ് സംവിധാനം ചെയ്ത ചിത്രം സാറാസ് പ്രേക്ഷക ശ്രദ്ധ നേടുമ്പോള് ചിത്രത്തെ കുറിച്ച് വ്യത്യസ്ത കുറിപ്പുമായി നടന് ഹരീഷ് പേരടി. പ്രസവിക്കേണ്ട എന്ന് ആവര്ത്തിച്ച് പറയുന്ന ഒരു പെണ്കുട്ടിയെ പിന്നെയും കല്യാണം കുടുംബം തുടങ്ങിയ വ്യവസ്ഥാപിത സമ്പ്രദായങ്ങള്ക്കിടയില് പൂട്ടിയിട്ട് സിനിമയുണ്ടാക്കുമ്പോള് ജയിലില് സ്വാതന്ത്ര്യത്തിനെക്കുറിച്ച് നല്ല കവിതയെഴുതിയ തടവുകാരന് സമ്മാനം കൊടുക്കുന്നത് പോലെ തോന്നിയെന്ന് ഹരീഷ് പേരടി പറഞ്ഞു.
അന്യന്റെ കുട്ടികളും നമ്മുടെ കുട്ടികളാണെന്ന് കരുതി കേരളം 18 കോടി കൊടുത്ത് താലോലിച്ച ഈ സമയത്ത് സ്വന്തം ശരീരത്തിന്റെ രാഷ്ട്രിയം പറയാന് ഗര്ഭാവസ്ഥ തടസ്സമാവുന്നത് പുരോഗമനത്തെ ( മുന്നോട്ടുള്ള കുതിപ്പിനെ) കുറിച്ചുള്ള അറിവില്ലായമയാണെന്നും അദ്ദേഹം അഭിപ്രായപ്പെട്ടു.
ഫേസ്ബുക്ക് കുറിപ്പിന്റെ പൂര്ണരൂപം:
കല്യാണം എന്ന എസ്ടാബ്ലിഷ്മെന്റിനോട് യോജിക്കാതെ തന്നെ ഒരു സ്ത്രിക്ക് അവള്ക്ക് തോന്നുന്ന സമയത്ത് ശാസ്ത്രിയമായി അവള് അറിയാത്ത, ജീവിതത്തില് ഒരിക്കലും കാണാനും സാധ്യതയില്ലാത്ത, ഏതോ ഒരു പുരുഷന്റെ ബിജം സ്വീകരിച്ച് ഗര്ഭണിയാകാന് സ്വാതന്ത്ര്യമുള്ള ഒരു ജനാധിപത്യ രാഷ്ട്രത്തിലാണ് നമ്മള് ജീവിക്കുന്നത്.
എനിക്ക് പ്രസവിക്കണ്ടാ എന്ന് ആവര്ത്തിച്ച് പറയുന്ന ഒരു പെണ്കുട്ടിയെ പിന്നെയും കല്യാണം, കുടുംബം തുടങ്ങിയ വ്യവസ്ഥാപിത സമ്പ്രദായങ്ങള്ക്കിടയില് പൂട്ടിയിട്ട് സിനിമയുണ്ടാക്കുമ്പോള് ജയിലില് സ്വാതന്ത്രത്തിനെ കുറിച്ച് നല്ല കവിത എഴുതിയ തടവുകാരന് സമ്മാനം കൊടുക്കുന്നതുപോലെ തോന്നി.
കരയുന്ന കുട്ടിയെ ഒന്ന് എടുക്കാന് പോലും താത്പര്യം കാണിക്കാത്ത ഈ പെണ്കുട്ടി എന്ത് സിനിമയാണ് ഉണ്ടാക്കുന്നത് എന്ന് മനസ്സിലാക്കാനും പറ്റുന്നില്ല. അവള് കഥ പറയുന്ന സമയത്തൊക്കെ സംഗീതം കൊണ്ട് രംഗങ്ങള് നിശബ്ദമാക്കപ്പെടുന്നുമുണ്ട്.(ചില സിനിമകളില് തെറികള് പറയുമ്പോള് മ്യൂട്ട് ചെയ്യുന്നതുപോലെ). അന്യന്റെ കുട്ടികളും നമ്മുടെ കുട്ടികളാണെന്ന് കരുതി കേരളം 18 കോടി കൊടുത്ത് താലോലിച്ച ഈ സമയത്ത് സ്വന്തം ശരീരത്തിന്റെ രാഷ്ട്രിയം പറയാന് ഗര്ഭാവസ്ഥ തടസ്സമാവുന്നത് പുരോഗമനത്തെ ( മുന്നോട്ടുള്ള കുതിപ്പിനെ) കുറിച്ചുള്ള അറിവില്ലായമയാണ്.
പൂര്ണ്ണ ഗര്ഭിണിയായ പോലീസ് ഓഫീസര് നായകന്റെ മുഖത്തേക്ക് തോക്കുചൂണ്ടി നില്ക്കുന്ന നാലാം സീസണ് കഴിഞ്ഞ് ലോകം മുഴുവന് മണി ഹേസ്റ്റിന്റെ അഞ്ചാം സീസണു കാത്തിരിക്കുമ്പോള് ആണ് ഈ സിനിമ.
ക്യാമറയേയും സംവിധായകനേയും തട്ടിമാറ്റി കടന്നു പോയ ആദാമിന്റെ വാരിയെല്ലുകള് ജീവിച്ച സ്ഥലത്ത്,വിപ്ലവം നടത്തിയ സ്ഥലത്ത്, എല്ലാ എസ്റ്റാബ്ലിഷ്മെന്റുകളെയും അംഗീകരിച്ച പ്രസവിക്കാന് താത്പര്യമില്ലാത്ത, എന്നാല് ഉടനെ പ്രസവിക്കാനും സാധ്യതയുള്ള ഈ രാജകുമാരി. മലയാള സിനിമയുടെ ഒരു രാഷ്ട്രിയ ദൂരെമേയല്ല. നായകന്റെ ലിംഗത്തിന് വിശുദ്ധിയുള്ളതുകൊണ്ട് ചവിട്ടേറ്റുവാങ്ങാന് ഒരു സഹനടന്റെ ലിംഗവും, മനോഹരമായ ടെയില് എന്ഡ്.
