തൃശൂർ: ഇറാന് സൈന്യം പിടിച്ചെടുത്ത എം.എസ്.സി ഏരീസ് കപ്പലില് മലയാളിയായ യുവതിയും. തൃശൂര് വെളുത്തൂര് സ്വദേശി ആൻ്റെസ ജോസഫാണ് കപ്പലിലുള്ള നാലാമത്തെ മലയാളി. ട്രെയിനിങിൻ്റെ ഭാഗമായി ഒമ്പതുമാസമായി ജോലി ചെയ്തു വരികയായിരുന്നു ആൻ്റെസ.
ഒമാന് ഉള്ക്കടലിന് സമീപം ഹോര്മുസ് കടലിടുക്കില് വച്ചാണ് ഇസ്രയേല് ബന്ധമുള്ള എം.എസ്.സി ഏരീസ് എന്ന ചരക്കുകപ്പല് ഹെലികോപ്റ്ററില് എത്തിയ ഇറാന് സേനാംഗങ്ങള് പിടിച്ചെടുത്ത് ഇറാന് സമുദ്ര പരിധിയിലേക്ക് കൊണ്ടു പോയത്.
ഏപ്രില് ഒന്നിന് സിറിയയില് നടന്ന വ്യോമാ ആക്രമണത്തില് ഇറാനിയന് കോണ്സുലര് കെട്ടിടത്തിനുള്ളില് രണ്ട് ഇറാനിയന് ജനറല്മാര് കൊല്ലപ്പെട്ടതാണ് പ്രകോപനത്തിന് കാരണം.
