കാസര്കോട്: സി.പി.എമ്മില് നിന്ന് പ്രവര്ത്തകരും അനുഭാവികളുമായ 65 ഓളം പേര് കോൺഗ്രസില് ചേര്ന്നു. കൊല്ലപ്പെട്ട യൂത്ത് കോണ്ഗ്രസ് പ്രവര്ത്തകന് കൃപേഷിന്റെയും ശരത്ലാലിന്റെയും ബന്ധുക്കളും സി.പി.എം അനുഭാവികളുൾപ്പെടെയുള്ളവരാണ് കോൺഗ്രസിൽ ചേർന്നത്. സി.പി.എമ്മിന്റെ മുന്കൈയ്യില് നടക്കുന്ന അക്രമരാഷ്ട്രീയത്തിൽ പ്രതിഷേധിച്ചാണ് കോൺഗ്രസുമായി സഹകരിച്ച് പ്രവർത്തിക്കാൻ തീരുമാനിച്ചതെന്ന് ഇവർ പറയുന്നു.
കൊലചെയ്യപ്പെട്ട കൃപേഷിന്റെ കുടുംബത്തിന് ഹൈബി ഈഡന് പണിത വീടിന്റെ പാലുകാച്ചല് ചടങ്ങിനിടെ ഇന്നലെയാണ് പ്രവര്ത്തകരും അനുഭാവികളുമായ 65 -ളം പേര് സി.പി.എം വിട്ടത്. 27 കുടുംബങ്ങളിൽ നിന്നായി 65 പേരാണ് കോൺഗ്രസിൽ ചേർന്നത്. കല്യോട്ട് നടന്ന സ്വീകരണയോഗത്തിൽ ഡി.സി.സി പ്രസിഡന്റ് ഹക്കിം കുന്നിൽ ഇവരെ മാലയിട്ട് സ്വീകരിച്ചു.
