ഭോപ്പാല്: 12 വയസിന് താഴെയുള്ള കുട്ടികളെ ബലാത്സംഗത്തിന് ഇരയാക്കുന്നവര്ക്ക് വധശിക്ഷ നല്കാനുള്ള ബില് പാസാക്കി മധ്യപ്രദേശ് നിയമസഭ. ഐക്യകണ്ഠേനയാണ് ബില് പാസാക്കിയത്. പ്രായപൂര്ത്തിയാകാത്ത കുട്ടികളെ ബലാത്സംഗം ചെയ്യുന്നവര് മനുഷ്യരല്ല, അവര് ചെകുത്താനും ജീവിക്കാന് അര്ഹതയില്ലാത്തവരുമാണെന്ന് ശിവരാജ് സിങ് ചൗഹാന് ബില് പാസാക്കിയതിനു ശേഷം എ.എന്.ഐ വാര്ത്താ ഏജന്സിയോട് പറഞ്ഞു.
ഇത്തരം കേസുകളില് ഉള്പ്പെടുന്നവര്ക്കെതിരെ ജാമ്യമില്ലാ വകുപ്പ് പ്രകാരം കേസെടുക്കും. കൂടാതെ കുറ്റവാളികള്ക്ക് ശിക്ഷ ഉറപ്പാക്കുമെന്നും മധ്യപ്രദേശ് മുഖ്യമന്ത്രി പറഞ്ഞു. കഴിഞ്ഞ ആഴ്ചയാണ് കുട്ടികളെ ബലാത്സംഗം ചെയ്യുന്നവര്ക്ക് വധശിക്ഷ നല്കുന്നതിനുള്ള നിയമനിര്മ്മാണം നടത്താന് മുഖ്യമന്ത്രി ശിവരാജ് സിങ് ചൗഹാന്റെ നേതൃത്വത്തിലുള്ള മന്ത്രിസഭ തീരുമാനിച്ചത്. ഇത്തരം കേസുകളില് ഉള്പ്പെടുന്നവര്ക്കെതിരെ ജാമ്യമില്ലാ വകുപ്പ് പ്രകാരം കേസെടുക്കും. കൂടാതെ കുറ്റവാളികള്ക്ക് ശിക്ഷ ഉറപ്പാക്കുമെന്നും മധ്യപ്രദേശ് മുഖ്യമന്ത്രി പറഞ്ഞു.
