പെരിന്തൽമണ്ണ: സെവൻസ് ഫുട്ബോള് മത്സരത്തിനിടെ പ്രശസ്ത ഫുട്ബോള് താരം ധനരാജ് കുഴഞ്ഞ് വീണ് മരിച്ചു. മുൻ സന്തോഷ് ട്രോഫി താരമായിരുന്നു. പാലക്കാട് കൊട്ടേക്കാട് സ്വദേശിയായ ധനരാജ് ഞായറാഴ്ച രാത്രി നടന്ന 48ാമത് ഖാദറലി അഖിലേന്ത്യാ സെവൻസ് ഫുട്ബോൾ ടൂർണ്ണമെൻറിൽ മത്സരത്തിനിടെയാണ് മരിച്ചത്.
പെരിന്തൽമണ്ണ ടീം അംഗമായ ധനരാജന് നെഞ്ചുവേദന അനുഭവപ്പെടുകയും കുഴഞ്ഞു വീഴുകയുമായിരുന്നു. ഉടൻ പെരിന്തൽമണ്ണയിലെ മൗലാന ആശുപത്രിയിലെത്തിച്ചെങ്കിലും മരണപ്പെട്ടു. മത്സരത്തിന്റെ ആദ്യപകുതി അവസാനിക്കാൻ മിനിറ്റുകൾ ശേഷിക്കെയാണ് നെഞ്ച് വേദന അനുഭവപ്പെട്ടത്.
റഫറിയോട് ഇക്കാര്യം ധനരാജ് പറയുകയും ഉടൻ കുഴഞ്ഞു വീഴുകയും ആയിരുന്നു. സ്റ്റേഡിയത്തിലുണ്ടായിരുന്ന ഡോക്ടറും മെഡിക്കൽ സംഘവും എത്തി ഉടൻ തന്നെ ആശുപത്രിയിലേക്ക് മാറ്റി. അര മണിക്കൂറിനകം മരണം സംഭവിച്ചു. ഈസ്റ്റ് ബംഗാള്, മോഹന്ബഗാന്, മുഹമ്മദന്സ്, വിവകേരള എന്നീ ടീമുകളിലെ താരമായിരുന്നു.
