തൃശൂര്: ഡി.വൈ.എഫ്.ഐ പ്രവർത്തകരായ ട്രാൻസ്ജെൻഡര് യുവതിയും മിസ്റ്റർ കേരള ജേതാവായ യുവാവും വിവാഹിതരായി. കണ്ണൂർ ജില്ലയിലെ പടിയൂർ സ്വദേശിയും കഴിഞ്ഞ മിസ്റ്റര് കേരള മത്സരത്തിലെ 60 കിലോ വിഭാഗത്തിലെ ജേതാവുമായ പ്രവീണ് ആണ് ആലപ്പുഴ സ്വദേശിനിയായ ശിഖയെ വിവാഹം ചെയ്തത്.
ഡി.വൈ.എഫ്.ഐ പ്രവര്ത്തകരായ ഇരുവരും സമൂഹമാധ്യമങ്ങളിലൂടെയാണ് പരിചയപ്പെടുന്നത്. തൃശൂര് മാരിയമ്മന് കോവിലില് വച്ചായിരുന്നു വിവാഹം. വീട്ടുകാര് വിവാഹത്തിന് പിന്തുണ നല്കിയിരുന്നുവെന്ന് പ്രവീണ് പറയുന്നു.
ജിമ്മില് ട്രെയിനറായി ജോലി ചെയ്യുന്ന പ്രവീണ് മിസ്റ്റര് ഇന്ത്യ മത്സരത്തിനായുള്ള തയ്യാറെടുപ്പിലാണ്. നൃത്താധ്യാപികയാണ് ശിഖ. ഡി.വൈ.എഫ്.ഐ ട്രാന്സ് ജെന്ഡര് യൂണിറ്റ് പ്രസിഡന്റ് കൂടിയാണ് ശിഖ. കേരളത്തിലെ ആദ്യ പുരുഷ ട്രാന്സ് ജെന്ഡര് വിവാഹമാണ് ഇത്.
