തൃശ്ശൂര്‍: തൃശൂരില്‍ നടക്കുന്ന അമ്പത്തിയെട്ടാമത് സംസ്ഥാന സ്‌കൂള്‍ കലോത്സവത്തിന്റെ മൂന്നാം ദിനത്തിലും മത്സരങ്ങള്‍ക്ക് വാശിയേറുന്നു. കിരീടം ചൂടാന്‍ പോരാട്ടം ഇഞ്ചോടിഞ്ച്. 439 പോയിന്റ് നേടി കോഴിക്കോട് തന്നെയാണ് മുന്‍പില്‍. എങ്കിലും നേരിയ പോയിന്റ് വിത്യാസത്തില്‍ തൃശൂരും പാലക്കാടും തൊട്ടുപിന്നിലുണ്ട്. തൃശൂര്‍ 434 പോയിന്റും പാലക്കാട് 433 പോയിന്റും നേടിയിട്ടുണ്ട്.

വരും ദിവസങ്ങളില്‍ മത്സരങ്ങള്‍ കൂടുതല്‍ ചൂട് പിടിക്കും. ശക്തന്റെ തട്ടകത്തില്‍ ആരായിരിക്കും സ്വര്‍ണ്ണകപ്പ് ഉയര്‍ത്തുക എന്ന് നിലവില്‍ പറയാന്‍ സാധിക്കാത്ത വിധത്തിലാണ് മത്സരാര്‍ത്ഥികളുടെ പ്രകടനം. അതോടൊപ്പം തന്നെ അപ്പീലുകളും പെരുകുകയാണ്. ഞാ​യ​റാ​ഴ്​​ച ല​ഭി​ച്ച​ത്​ 190 അ​പ്പീ​ലു​ക​ൾ. ഇ​തോ​ടെ അ​പ്പീ​ലു​ക​ളു​ടെ എ​ണ്ണം 947 എ​ണ്ണ​മാ​യി. ഇ​തി​ലൂ​ടെ 47,35,000 രൂ​പ​യാ​ണ്​ ക​മ്മി​റ്റി​ക്ക്​ ല​ഭി​ച്ച​ത്. അ​പ്പീ​ലി​ൽ മ​ത്സ​രി​ച്ച്​ എ എ ​പ്ല​സ്​ കി​ട്ടി​യ 128 പേ​ർ​ക്ക്​ വാ​ങ്ങി​യ 5000 രൂ​പ തി​രി​ച്ചു​ന​ൽ​കു​ക​യും ചെ​യ്​​തു.