ചെന്നൈ: പ്രമുഖ സംവിധായകന് ഐ.വി ശശി അന്തരിച്ചു. 69 വയസായിരുന്നു. ചെന്നൈയിലെ സ്വകാര്യ ആശുപത്രിയില് വച്ചായിരുന്നു അന്ത്യം. ദേഹാസ്വാസ്ത്യം അനഭവപ്പെട്ടതിനേ തുടര്ന്ന് ആശുപത്രിയിലെത്തിച്ചിരുന്നുവെങ്കിലും മരണപ്പെടുകയായിരുന്നു. ഭാര്യ സീമയാണ് മരണവിവരം മാധ്യമങ്ങളെ അറിയിച്ചത്. അനു, അനി എന്നിവര് മക്കളാണ്. മലയാളം, തമിഴ്, ഹിന്ദി ഭാഷകളിലായി 150 ഓളം സിനിമകള് സംവിധാനം ചെയ്തിട്ടുണ്ട്. രണ്ടുതവണ മികച്ച സംവിധായകനുള്ള സംസ്ഥാന പുരസ്കാരം നേടിയിട്ടുണ്ട്. 1975ല് ഉമ്മര് നായകനായ ഉത്സവമാണ് ആദ്യ ചിത്രം. തുടര്ന്ന് അഭിനന്ദനം, അനുഭവം, ഇതാ ഇവിടെ വരെ, വാടകയ്ക്കൊരു ഹൃദയം, അവളുടെ രാവുകള്, മനസാ വാചാ കര്മണ, ഏഴാം കടലിനക്കരെ, ഈ നാട്, തുഷാരം, അഹിം, ഇന്നല്ലെങ്കില് നാളെ, കാണാമറയത്ത്, അതിരാത്രം, ആള്ക്കൂട്ടത്തില് തനിയെ, അടിയൊഴുക്കുകള്, കരിമ്പിന്പൂവിനക്കരെ, ആവനാഴി, ഇടനിലങ്ങള്, അടിമകള് ഉടമകള്, 1921, അബ്കാരി, അക്ഷരത്തെറ്റ്, ഇന്സ്പെക്ടര് ബല്റാം, ദേവാസുരം തുടങ്ങിയ ഹിറ്റ് ചിത്രങ്ങള് സംവിധാനം ചെയ്തു. 2009 ല് പുറത്തിറങ്ങിയ വെള്ളത്തൂവലാണ് അവസാനം പുറത്തിറങ്ങിയ ചിത്രം. കാഴിക്കോട് വെസ്റ്റ്ഹില് സ്വദേശിയായ ഐ.വി.ശശി മദ്രാസ് സ്കൂള് ഓഫ് ആര്ട്സില് നിന്ന് ചിത്രകലത്തില് ഡിപ്ലോമ നേടിയശേഷമാണ് സിനിമയിലെത്തിയത്. 1968 ല് എ.ബി.രാജിന്റെ കളിയല്ല കല്ല്യാണം എന്ന സിനിമയില് കലാസംവിധായകനായിട്ടായിരുന്നു തുടക്കം. ഛായാഗ്രാഹ സഹായിയായും പ്രവര്ത്തിച്ചിട്ടുണ്ട്. പിന്നീട് സഹ സംവിധായകനായി കുറെ ചലച്ചിത്രങ്ങളില് പ്രവര്ത്തിച്ചു. ആദ്യചലച്ചിത്രം ഇരുപത്തിഏഴാം വയസ്സില് സംവിധാനം ചെയ്തു. ഈ ചലച്ചിത്രത്തില് അദ്ദേഹത്തിന്റെ പേര് ചേര്ത്തിരുന്നില്ലെങ്കിലും ആദ്യം സംവിധാനം ചെയ്ത ചലച്ചിത്രം ഒരു വന്വിജയമായിരുന്നു.
ലഭിച്ചിട്ടുള്ള പുരസ്കാരങ്ങള്
1. 2014ലെ ജെ.സി. ഡാനിയേല് പുരസ്കാരം.
2. ലൈഫ് ടൈം അച്ചീവ്മെന്റ് അവാര്ഡ്
3. 1982ല് ആരൂഡത്തിന് ദേശീയോദ്ഗ്രഥനത്തിുള്ള ദേശീയ അവാര്ഡ്.
4.രണ്ടു തവണമ മികച്ച സംവിധായകനുള്ള സംസ്ഥാന അവാര്ഡ്.
5.ഒരു തവണ മികച്ച രണ്ടാമത്തെ ചിത്രത്തിനുള്ള അവാര്ഡ്.
6.ഒരു തവണ ജനപ്രീതി നേടിയ ചിത്രത്തിനുള്ള അവാര്ഡ്.
7.ആറു തവണ ഫിലിംഫെയര് അവാര്ഡ്.
8.2015-ല് ഫിലിം ഫെയറിന്റെ ലൈഫ് ടൈം അച്ചീവ്മെന്റ് പുരസ്കാരം
