നോര്ക്കയുടെ എമര്ജന്സി ആംബുലന്സ് സര്വീസിന്റെ സേവനം മംഗലാപുരം, കോയമ്പത്തൂർ വിമാനത്താവളങ്ങളിലും ഏര്പ്പെടുത്തുന്നു. ഇപ്പോള് കേരളത്തിലെ നാല് വിമാനത്താവളങ്ങളിലുള്ള ഈ ആംബുലന്സ് സേവനം 294 പേര്ക്ക് ലഭ്യമാക്കിയിട്ടുണ്ട്.
അസുഖബാധിതരായി നാട്ടിലേക്ക് മടങ്ങുന്ന വിദേശമലയാളികളെ അവരുടെ വീട്ടിലേക്കോ ആശുപത്രിയിലേക്കോ സൗജന്യമായി എത്തിക്കുന്നതിനും വിദേശത്ത് മരണപ്പെടുന്ന മലയാളികളുടെ ഭൗതികശരീരം വിമാനത്താവളങ്ങളില് നിന്ന് വീട്ടിലെത്തിക്കുന്നതിനുമാണ് ഈ സേവനം നടപ്പാക്കുന്നത്.
