മിലാൻ: ഒടുവിൽ ആരാധകർക്ക് നിരാശ സമ്മാനിച്ച് ഇറ്റലി ഇല്ലാത്ത ലോകകപ്പ് എന്ന യാഥാർഥ്യം മുന്നിൽ. സ്വീഡന്റെ മഞ്ഞപ്പടയ്ക്കെതിരെ ഗോളടിക്കാൻ മറന്ന ഇറ്റലി റഷ്യയിൽ നടക്കുന്ന ലോകകപ്പിനു യോഗ്യത നേടാനാകാതെ പുറത്ത്. സ്വന്തം മൈതാനത്ത് നടന്ന യൂറോപ്യൻ പ്ലേ ഓഫ് മൽസരത്തിന്റെ രണ്ടാം പാദം ഗോൾരഹിത സമനിലയിൽ അവസാനിച്ചതോടെയാണ് ഇറ്റലി പുറത്തായത്.
കഴിഞ്ഞ 60 വർഷത്തിനിടെ ഇറ്റലിയില്ലാതെ നടക്കുന്ന ആദ്യ ലോകകപ്പാണ് റഷ്യയിലേത്. മുമ്പ് 1958ല് സ്വീഡന് ആതിഥേയരായ ലോകകപ്പാണ് അസൂറികള്ക്കു യോഗ്യത നേടാനാവാതെ പോയ ഏക ലോകകപ്പ്. 2006നുശേഷം ആദ്യമായാണ് സ്വീഡന് ലോകകപ്പ് കളിക്കുന്നത്.
