തിരുവനന്തപുരം : രണ്ടുദിവസമായി തുടരുന്ന കനത്ത മഴകാരണം സംസ്ഥാനത്തെ എല്ലാ വിദ്യാഭ്യാസ സ്ഥാപനങ്ങള്ക്കും പൊതു വിദ്യാഭ്യാസ സെക്രട്ടറി തിങ്കളാഴ്ച അവധി പ്രഖ്യാപിച്ചു. പ്രഫഷണല് കോളജ് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്.
മഴയെ തുടർന്ന് തെക്കൻ കേരളത്തിൽ പല ഇടങ്ങളിൽ വെള്ളപ്പൊക്കവും ഉരുളുപൊട്ടലും ഉണ്ടായിട്ടുള്ളതിനാൽ സർക്കാർ അതാത് ജില്ലാ ഭരണകൂടങ്ങൾക്ക് ജാഗ്രതാ നിർദ്ദേശം നൽകിയിട്ടുണ്ട്. തീരപ്രദേശത്തുള്ളവര് ജാഗ്രത പാലിക്കണമെന്നും, സംസ്ഥാനത്തും ലക്ഷദ്വീപിലും 21 വരെ വ്യാപകമായി മഴ തുടരാൻ സാധ്യതയുള്ളതായും കാലാവസ്ഥാ നിരീക്ഷണകേന്ദ്രം അറിയിച്ചു.
