കൊച്ചി: കന്യാസ്ത്രീയെ പീഡിപ്പിച്ചെന്ന പരാതിയില് ബിഷപ്പ് ഫ്രാങ്കോ മുളക്കല് ഇന്ന് അന്വേഷണ സംഘത്തിന് മുന്നില് ഹാജരാകും. 10 മണിക്ക് മുമ്പ് അന്വേഷണ സംഘത്തിന് മുന്നില് ഹാജരാകണമെന്ന് ഫ്രാങ്കോക്ക് നിര്ദേശം നല്കിയിരിക്കുന്നത്.ചോദ്യം ചെയ്യല് ഇന്നുണ്ടാകും. തൃപ്പൂണിത്തുറയിലെ ക്രൈംബ്രാഞ്ച് ഓഫീസില് വെച്ചാണ് ചോദ്യം ചെയ്യലെന്നാണ് സൂചന. ഇതിനായി വിപുലമായ ചോദ്യാവലി തയ്യാറാക്കിയിട്ടുണ്ട്.
നൂറോളം ചോദ്യങ്ങളും ഉപചോദ്യങ്ങളുമാണ് അന്വേഷണ സംഘം തയ്യാറാക്കിയിരിക്കുന്നത്.ഇന്നലെ രാത്രിയാണ് ഫ്രാങ്കോ മുളക്കലിനോട് ചോദ്യം ചെയ്യലിനായി അന്വേഷണ സംഘത്തിന് മുന്നില് ഹാജരാകാന് നിര്ദ്ദേശം നല്കിയത്.
അന്വേഷണത്തിനു മേല്നോട്ടം വഹിക്കുന്ന കോട്ടയം എസ്പി, ഐജി വിജയ് സാഖറെയുമായി കൂടിക്കാഴ്ച നടത്തിയ ശേഷമാണ് ബിഷിപ്പിനുള്ള ചോദ്യാവലിക്ക് അന്തിമരൂപം നല്കിയത്. ചോദ്യംചെയ്യല് 3 ദിവസം വരെ നീണ്ടു നില്ക്കും എന്നാണ് സൂചന.
ബിഷപ്പ് ഫ്രാങ്കോ ഇന്ന് അന്വേഷണ സംഘത്തിന് മുന്നില്; തൃപ്പൂണിത്തറയില് വെച്ച് ചോദ്യം ചെയ്യും
