ആള്ക്കൂട്ട ആക്രമണങ്ങള്ക്കെതിരെ നടപടിയാവശ്യപ്പെട്ട് പ്രധാനമന്ത്രി നരേന്ദ്രമോദിക്ക് കത്തെഴുതിയ സാംസ്കാരിക നായകര്ക്കെതിരെ രാജ്യദ്രോഹക്കുറ്റം ചുമത്തിയ നടപടി ശരിയല്ലെന്ന് ബി.ജെ.പി നേതാവ് കുമ്മനം രാജശേഖരന്. അഭിപ്രായ സ്വാതന്ത്ര്യം എല്ലാവര്ക്കുമുണ്ടെന്ന് അദ്ദേഹം പറഞ്ഞു.
അഭിപ്രായ സ്വാതന്ത്ര്യം എല്ലാവര്ക്കുമുള്ളതാണെന്നും ആ സ്വാതന്ത്ര്യം അനുവദിക്കണമെന്നും കുമ്മനം പറഞ്ഞു. എന്നാല് മതവിശ്വാസിയുടെ മതവികാരത്തെ വ്രണപ്പെടുത്തുന്നത് ആവിഷ്കാര സ്വാതന്ത്ര്യമോ അഭിപ്രായ സ്വാതന്ത്ര്യമോ അല്ലെന്നും അദ്ദേഹം അഭിപ്രായപ്പെട്ടു.
‘അഭിപ്രായ സ്വാതന്ത്ര്യം എല്ലാവര്ക്കുമുള്ളതാണ്. അതു രേഖപ്പെടുത്താന്, നിവേദനം നല്കാന് എല്ലാവര്ക്കും സ്വാതന്ത്ര്യമുള്ളതാണ്. അപ്പോള് ഇങ്ങനെ ചെയ്യാന് പാടില്ലെന്നാണ് അഭിപ്രായം. അഭിപ്രായം പറയാനുള്ള സ്വാതന്ത്ര്യമുണ്ട്. ആ സ്വാതന്ത്ര്യം അനുവദിക്കണം.
അഭിഭാഷകനായ സുധീര് കുമാര് ഓജ സമര്പ്പിച്ച പരാതിയില് ചീഫ് ജുഡീഷ്യല് മജിസ്ട്രേറ്റ് സൂര്യകാന്ത് തിവാരിയാണ് പ്രധാനമന്ത്രിക്ക് കത്തെഴുതിയവര്ക്കെതിരെ കേസെടുക്കാന് ഉത്തരവിട്ടത്. ഗവേഷകനും എഴുത്തുകാരനുമായ രാമചന്ദ്ര ഗുഹ, സംവിധായകരായ മണിരത്നം, അടൂര് ഗോപാലകൃഷ്ണന്, ചലച്ചിത്ര പ്രവര്ത്തകരായ രേവതി, അപര്ണാ സെന് തുടങ്ങിയവര്ക്കെതിരെയാണ് കേസെടുത്തത്.
