തിരുവനന്തപുരം: 1990 ല് പുറത്തിറങ്ങിയ പെരുന്തച്ചന് എന്ന ഒറ്റ സിനിമയിലൂടെ ശ്രദ്ധേയനായ സംവിധായകന് അജയന് അന്തരിച്ചു. ഉച്ചയോടെ തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. വിഖ്യാത നാടകകാരന് തോപ്പില് ഭാസിയുടെയും അമ്മിണിയമ്മയുടേയും മകനാണ്. ഡോ. സുഷമയാണ് ഭാര്യ. പാര്വ്വതി, ലക്ഷ്മി എന്നിവര് മക്കളാണ്. പെരുന്തച്ചനിലുടെ നവാഗത സംവിധായകനുള്ള ദേശീയ പുരസ്കാരം നേടിയിട്ടുണ്ട്.
അഡയാര് ഫിലിം ടെക്നോളജിയില് ഡിപ്ലോമ നേടിയ ശേഷം സിനിമയിലെത്തിയ അജയന് അച്ഛന് തോപ്പില് ഭാസിയ്ക്കൊപ്പം അസോസിയേറ്റ് ഡയരക്ടറായി പ്രവര്ത്തനം തുടങ്ങി. ഭരതനും പത്മരാജനും ഒപ്പം പ്രവര്ത്തിച്ചു. നിരവധി ഡോക്യുമെന്ററികളും സംവിധാനം ചെയ്തിട്ടുണ്ട്.
പെരുന്തച്ചന് എന്ന ഒറ്റ സിനിമയിലൂടെ ശ്രദ്ധേയനായ സംവിധായകന് അജയന് അന്തരിച്ചു
