തൃശൂര്‍: ദളിത് യുവതിയെ ഭാര്‍ത്താവ് തീ കൊളുത്തികൊന്നു. തൃശൂര്‍ വെള്ളിക്കുളങ്ങരയിലാണ് ഞായറാഴ്ചയാണ് നാട്ടുകാരെ മുൾമുനയിൽ നിർത്തിയ സംഭവമുണ്ടായത്. നാട്ടുകാർ നോക്കിനിൽക്കേയാണ് ഈ ക്രൂര കൃത്യം നടന്നതെങ്കിലും ആരും ഇടപെട്ടില്ലെന്നും പറയപ്പെടുന്നു. വീരാജ് എന്ന യുവാവാണ് വെള്ളിക്കുളങ്ങര സ്വദേശിയായ ഭാര്യ ജീത്തുവിനെ തീകൊളുത്തി കൊന്നത്. സംഭവത്തിനു ശേഷം വീരാജ് ഒളിവിലാണ്. പൊള്ളലേറ്റ് ഗുരുതരാവസ്ഥയില്‍ ആശുപത്രിയില്‍ ചികിത്സയിലായിരുന്ന ജീത്തു ഇന്നുപുലർച്ച മരണത്തിന് കീഴടങ്ങുകയായിരുന്നു.