ദമ്മാം: കഴിഞ്ഞ ദിവസം ദമ്മാം അല്ഹസ്സ ഖുറൈസില് ഉണ്ടായ വാഹനപകടത്തില് മരണപ്പെട്ട മലയാളികളുടെ മൃതദേഹങ്ങള് നാട്ടിലേക്ക് എത്തിച്ചു. ദമ്മാമില് നിന്നും തിരുവനന്തപുരത്തേക്കുള്ള ജെറ്റ് എയര് വിമാനത്തിലാണ് മൃതദേഹങ്ങള് കൊണ്ടുവന്നത്. കൊല്ലം പള്ളിമുക്ക് സ്വദേശി ഹാഷിം അബ്ദുല് ഹക്കീം, കൊല്ലം ഉമയനെല്ലൂര് സ്വദേശി സഹീര് സലീം എന്നിവര് സഞ്ചരിച്ചിരുന്ന പിക്കപ്പ് വാന് ഡിവൈഡറില് ഇടിച്ച് മറിഞ്ഞാണ് അപകടം ഉണ്ടായത്. ഇരുവരും സംഭവ സ്ഥലത്ത് വച്ചു തന്നെ മരണപ്പെട്ടിരുന്നു. 
കൂടെയുണ്ടായിരുന്ന കായകുളം സ്വദേശി നിഷാദ്, തൃശൂര് സ്വദേശി പോള്സന് എന്നിവരെ പരിക്കുകളോടെ ആശുപത്രിയില് പ്രവേശിപ്പിച്ചിരിക്കുകയാണ്. ഇതില് നിഷാദ് തുടര് ചികില്സക്കായി കഴിഞ്ഞ ദിവസം നാട്ടിലേക്ക് പോയി. ഡ്രൈവര് ഉറങ്ങിപ്പോയതാണ് അപകട കാരണമെന്നാണ് നിഗമനം. മരിച്ച ഇരുവരും വിവാഹിതരാണ്. ഹാഷിമിന് ഒരു മകളും സഹീറിന് ഒരു മകനുമുണ്ട്. ഇന്ന് രാവിലെ നാട്ടിലെത്തിച്ച മൃതദേഹങ്ങള് ജുമുഅക്ക് ശേഷം സംസ്കരിക്കും.
ദമ്മാം അല്ഹസ്സ ഖുറൈസില് ഉണ്ടായ വാഹനപകടം; മരണപ്പെട്ട മലയാളികളുടെ മൃതദേഹങ്ങള് നാട്ടിലേക്ക് എത്തിച്ചു
You Might Also Like
കോഴിക്കോട് യുവാവിനെ ദുരൂഹ സാഹചര്യത്തില് മരിച്ചനിലയില് കണ്ടെത്തി
ശോഭ സുരേന്ദ്രന്റെ പരിപാടിയില് പങ്കെടുക്കുന്നതില് ബി.ജെ.പി പ്രവര്ത്തകര്ക്ക് വിലക്ക്?
