തൃശ്ശൂര്: തെരുവുനായ്ക്കളുടെ ആക്രമണത്തില്നിന്ന് രക്ഷപ്പെട്ട് ഓടിയ പെണ്കുട്ടി ആള്മറയില്ലാത്ത കിണറ്റില് വീണ് മരിച്ചു. കടങ്ങോട് വടക്കുംമുറി മേപ്പറമ്പത്ത് ഹരിദാസന്റെ മകള് ഗ്രീഷ്മ (15) ആണ് മരിച്ചത്. അടുത്ത വീട്ടില് പാല് വാങ്ങാന് പോയി മടങ്ങി വരുമ്പോഴാണ് അപകടമുണ്ടായത്.
ഒരുകൂട്ടം തെരുവുനായകളെ കണ്ട് പേടിച്ചോടിയ ഗ്രീഷ്മ അടുത്തുള്ള പറമ്പിലെ കിണറ്റില് അബദ്ധത്തില് വീഴുകയായിരുന്നു. മൃതദേഹം കുന്നംകുളം താലൂക്ക് ആശുപത്രിയില് സൂക്ഷിച്ചിരിക്കുകയാണ്.
