സോഷ്യല് മീഡിയയിലെ വിഡിയോ ആപ്ലിക്കേഷനായ ടെലഗ്രാം ഇന്ത്യയില് നിരോധിക്കണമെന്നാവശ്യപ്പെട്ട് സമര്പ്പിച്ച ഹര്ജിയില് ഹൈക്കോടതി കേന്ദ്ര സര്ക്കാരിന്റെ വിശദീകരണം തേടി . സമാനമായ കേസുകള് സുപ്രീം കോടതിയുടെ പരിഗണനയില് ഉണ്ടെന്നും ടെലഗ്രാം പോലുള്ള പ്ലാറ്റ്ഫോമുകളെ നിയന്ത്രിക്കുന്നതിന് കരട് നിയമം തയാറാക്കി വരികയാണെന്നും അസിസ്റ്റന്റ് സോളിസിറ്റര് ജനറല് കോടതിയില് അറിയിച്ചു .
മൂന്നാഴ്ചക്കകം കേന്ദ്ര സര്ക്കാര് വിശദീകരണം നല്കണമെന്നാണ് ഹൈക്കോടതി നിര്ദ്ദേശം.ടെലഗ്രാം നിരോധിക്കണമെന്നാവശ്യപ്പെട്ട് ബംഗ്ളരു ലോ സ്കുളിലെ വിദ്യാര്ത്ഥിനിയും കോഴിക്കോട് തിരുവമ്പാടി സ്വദേശിയുമായ അഥീന സോളമനാണ് ഹര്ജിയുമായി കോടതിയെ സമീപിച്ചിട്ടുള്ളത്.
കുട്ടികളുടെ നഗ്നചിത്രങ്ങളും ദൃശ്യങ്ങളും ഒളികാമറ ഉപയോഗിച്ചു പകര്ത്തുന്ന ദൃശ്യങ്ങളുമാണ് ടെലഗ്രാമിലെ ഉള്ളടക്കമെന്നും ഇത് സദാചാര വിരുദ്ധത പ്രോല്സാഹിപ്പിക്കുന്നതാണന്നും ഹര്ജിയില് പറയുന്നു.
