പെരുമ്പാവൂര്: ചാലക്കുടി മണ്ഡലത്തിലെ ഇടതുമുന്നണി സ്ഥാനാര്ത്ഥി ഇന്നസെന്റിനുവേണ്ടി വോട്ടഭ്യര്ത്ഥിച്ച് നടന് മമ്മൂട്ടി. ഇന്ന് പെരുമ്പാവൂരില് നടന്ന ഇന്നസെന്റിന്റെ റോഡ് ഷോയിലും മമ്മൂട്ടി പങ്കെടുത്തു. താന് യാത്രചെയ്യുന്നതിനിടെ ഇന്നസെന്റിന്റെ റോഡ് ഷോ കണ്ടപ്പോള് സഹപ്രവര്ത്തകന് എന്ന നിലയില് പങ്കെടുക്കുകയായിരുന്നുവെന്ന് മമ്മൂട്ടി പറഞ്ഞു.
‘മലയാള സിനിമയുടെ മെഗാസ്റ്റാര് മമ്മൂട്ടി ചാലക്കുടി മണ്ഡലത്തിലെ പെരുമ്പാവൂര് വെങ്ങോലയില് വെച്ച് മെഗാ റോഡ് ഷോയില് പങ്കാളിയായപ്പോള്’ എന്ന അടിക്കുറിപ്പോടെ മമ്മൂട്ടി വോട്ട് ചോദിക്കുന്ന വീഡിയോ ദൃശ്യം ഇന്നസെന്റ് തന്നെയാണ് ഫേസ്ബുക്കില് പങ്കുവെച്ചത്. ചാലക്കുടിയിലെ നിലവിലെ എം.പിയായ ഇന്നസെന്റിന്റെ 2014-ല് നടന്ന തെരഞ്ഞെടുപ്പ് പ്രചാരണത്തിലും ഒട്ടേറെ സിനിമാ താരങ്ങള് പങ്കെടുത്തിരുന്നു.
യു.ഡി.എഫ് സംസ്ഥാന കണ്വീനര് ബെന്നി ബെഹനാനാണ് ചാലക്കുടിയില് ഇന്നസെന്റിന്റെ പ്രധാന എതിരാളി.
