ചാര്ജ് വര്ദ്ധന ഉള്പ്പെടെയുള്ള ആവശ്യങ്ങളുന്നയിച്ച് സംസ്ഥാനത്തെ സ്വകാര്യ ബസുടമകള് നവംബര് 20ന് സൂചനാ പണിമുടക്ക് നടത്തും. ആവശ്യങ്ങളില് തീരുമാനമായില്ലെങ്കില് തുടര്ന്ന് അനിശ്ചിതകാല സമരം ആരംഭിക്കുമെന്നും സ്വകാര്യ ബസ് ഓപ്പറേറ്റേഴ്സ് ഫെഡറേഷന് തൃശൂരില് വാര്ത്താ സമ്മേളനത്തില് അറിയിച്ചു.
മിനിമം ചാര്ജ് എട്ടു രൂപയില്നിന്ന് 10 രൂപയാക്കി വര്ദ്ധിപ്പിക്കുക, വിദ്യാര്ത്ഥികളുടെ യാത്രാനിരക്ക് 50 ശതമാനമെങ്കിലും വര്ദ്ധിപ്പിക്കുക എന്നീ ആവശ്യങ്ങളാണ് പ്രധാനമായും ബസുടമകള് മുന്നോട്ടുവെക്കുന്നത്.
അതോടൊപ്പം പുതിയ ഗതാഗത നയം രൂപീകരിക്കണമെന്നും കെ.എസ്.ആര്.ടി.സി ബസിലും വിദ്യാര്ത്ഥികള്ക്ക് കണ്സെഷന് അനുവദിക്കണമെന്നും ബസുടമകള് ആവശ്യമുന്നയിക്കുന്നുണ്ട്.
