കോഴിക്കോട് മെഡിക്കല് കോളേജിന് സമീപത്തെ കിണറ്റില് നിന്നും മൃതദേഹം കണ്ടെത്തി. മൃതദേഹം അഴുകിയ നിലയിലായിരുന്നു. മൃതദേഹത്തിന് ഏകദേശം ഒരു മാസത്തെ പഴക്കമുണ്ടെന്നാണ് പോലീസ് സംശയിക്കുന്നത്.
ആരാണെന്ന് വ്യക്തമായിട്ടില്ല. മായനാട് കുന്നുമ്മല് നിര്മ്മാണത്തിലിരിക്കുന്ന വുഡ്എര്ത്ത് കമ്പനിയുടെ സ്ഥലത്തെ കിണറിലാണ് മൃതദേഹം കണ്ടത്.
മുണ്ടും ഷര്ട്ടുമാണ് മൃതദേഹത്തില് കാണപ്പെട്ടത്. രണ്ട് ഹവായ് ചെരുപ്പുകള് കിണറിന് പുറത്തുണ്ട്. ഇവിടെ ജോലിയില് ഏര്പ്പെട്ടിരിക്കുന്ന ഇതര സംസ്ഥാന തൊഴിലാളികള് പറമ്പില് വീണു കിടക്കുന്ന നാളികേരം പെറുക്കുന്നതിനിടെ ദുര്ഗന്ധം വമിച്ചതിന്റെ കാരണം അന്വേഷിച്ച് നടത്തിയ തെരച്ചിലിലാണ് ഒടുവില് കിണറ്റില് മൃതദേഹം കണ്ടെത്തിയത്.
ഇന്ക്വസ്റ്റ് നടപടി പൂര്ത്തീകരിച്ച ശേഷം മൃതദേഹം പോസ്റ്റ്മോര്ട്ടത്തിനായി മെഡിക്കല് കോളേജ് മോര്ച്ചറിയിലേക്ക് മാറ്റും. അതിനിടെ പരിസരത്തു നിന്നും ഒരു യുവാവിനെ കാണാതായതായി റിപ്പോര്ട്ടുണ്ട്.
