തിരുവനന്തപുരം/കാസർകോട്: കേരള ഗവ. മെഡിക്കൽ ഓഫീസർ അസോസിയേഷൻ്റെ സ്പെഷ്യാലിറ്റി വിഭാഗത്തിൽ മികച്ച ഡോക്ടറിനുള്ള സംസ്ഥാന അവാർഡ് ഡോ: ജനാർദ്ദന നായ്ക്ക് സി.എച്ചിന്. തിരുവനന്തപുരം ഐ.എം.എ ഹാളിൽ നടന്ന കെ.ജി.എം.ഒ.എ യുടെ സംസ്ഥാന സമ്മേളനത്തിൽ സംസ്ഥാന ആരോഗ്യ സെക്രട്ടറി രാജീവ് സദാനന്ദൻ അവാർഡ് കൈമാറി.കാസർകോട് ജനറൽ ആശുപത്രിയിൽ മെഡിസിൻ വിഭാഗത്തിൽ ഫിസിഷ്യനും എ.ആർ.ടി സെൻ്ററിലെ സീനിയർ മെഡിക്കൽ ഓഫീസറും കൂടിയാണ് ഡോ: ജനാർദ്ദന നായ്ക്ക്. നിരവധി അക്കാദമിക് ഇടങ്ങളിൽ പ്രബന്ധങ്ങൾ അവതരിപ്പിച്ചതിൻ്റെയും കൂടി അടിസ്ഥാനത്തിലാണ് അവാർഡ് ലഭിച്ചത്. ജില്ലയിൽ ആദ്യമായാണ് അവാർഡ് ലഭിച്ചത്.