കോഴിക്കോട്: ഇനി മുതല് ഹര്ത്താലിന് കടകള് അടക്കില്ലെന്ന് ഹര്ത്താല് വിരുദ്ധ കൂട്ടായ്മ. ഹര്ത്താലുകളില് കടകള് തുറന്ന് പ്രവര്ത്തിക്കും. ബസ്, ലോറി തുടങ്ങിയ വാഹനങ്ങള് ഹര്ത്താല് ദിവസം ഓടും. ഹര്ത്താലുകള്ക്ക് മാധ്യമങ്ങള് പ്രാധാന്യം നല്കരുതെന്നും കോഴിക്കോട് ചേര്ന്ന് യോഗത്തിന് ശേഷം ഹര്ത്താല് വിരുദ്ധ കൂട്ടായ്മ പറഞ്ഞു. 
ദേശീയ പണിമുടക്കില് തീരുമാനം പിന്നീട് അറിയിക്കുമെന്നും അവര് വ്യക്തമാക്കി. കഴിഞ്ഞ ദിവസങ്ങളില് തുടര്ച്ചയായുണ്ടായ ഹര്ത്താലിനെ തുടര്ന്ന് വ്യാപാരികള് ബുദ്ധിമുട്ടിലായിരുന്നു. ഇതോടെ കോഴിക്കോട് മിഠായി തെരുവിലും തിരുവനന്തപുരം ചാല മാര്ക്കറ്റിലുമുള്ള വ്യാപാരികള് ഹര്ത്താലിനെതിരെ രംഗത്തെത്തിയിരുന്നു. ഹര്ത്താലിനെ പിന്തുണയ്ക്കില്ലെന്ന് വ്യാപാരി വ്യവസായി സമിതിയും അറിയിച്ചിരുന്നു.
ഇനി ഹര്ത്താലിന് കടകള് അടക്കില്ല; ഹര്ത്താല് വിരുദ്ധ കൂട്ടായ്മ
