ആലപ്പുഴയില് സ്വകാര്യ ലാബ് ജീവനക്കാരന്റെ മൃതദേഹം കത്തിക്കരിഞ്ഞ നിലയില് കണ്ടെത്തി. പുന്നപ്ര പറവൂര് രണ്ട് തൈക്കല് ഷാജി (52)യെയാണ് മരിച്ച നിലയില് കണ്ടെത്തിയത്.കപ്പക്കട സണ്റൈസ് ഗ്രൗണ്ടില് കത്തിക്കരിഞ്ഞ നിലയിലായിരുന്നു മൃതദേഹം. പുലര്ച്ചെ നടക്കാനിറങ്ങിയവരാണ് മൃതദേഹം ആദ്യം കണ്ടത്.
ഇവര് വിവരം അറിയിച്ചതിനെ തുടര്ന്ന് പോലീസ് സംഭവസ്ഥലത്തെത്തി. സമീപത്തെ പെട്രോള് പമ്പില് നിന്നും പെട്രോള് വാങ്ങി ആത്മഹത്യ ചെയ്തതാണെന്നാണ് പോലീസിന്റെ പ്രാഥമിക നിഗമനം. മൃതദേഹം ആലപ്പുഴ മെഡിക്കല് കോളേജ് ആശുപത്രി മോര്ച്ചറിയിലേക്ക് മാറ്റി.സംഭവത്തില് പോലീസ് അന്വേഷണം ആരംഭിച്ചു.
