അബുദാബി: പശുക്കള്ക്കും ആധാര് ഏര്പ്പെടുത്താനുള്ള ശ്രമം ഇന്ത്യയില് വന് ചര്ച്ചയ്ക്ക് വഴിയൊരുക്കിയിരിക്കുകയാണല്ലോ. എന്നാല് പാസ്പോര്ട്ടും വിസയും വിമാനത്തില് ബിസിനസ്സ് ക്ലാസ് ടിക്കറ്റും ലഭിച്ച് മനുഷ്യരൊപ്പം യാത്ര ചെയ്യാന് ഭാഗ്യവും അനുവാദവുമുള്ള പക്ഷികളെക്കുറിച്ച് അറിയുമോ?
അബുദാബിയിലെ വളര്ത്തു പക്ഷികളായ പരുന്തുകള്ക്കാണ് വിമാനത്തില് യാത്ര ചെയ്യാന് ഇത്തരത്തില് അവസരമുള്ളത്. രോഗം വന്നാല് ചികിത്സിക്കാന് എല്ലാവിധ ആധുനിക സജ്ജീകരണത്തോടു കൂടിയ അബുദാബി ഫാല്ക്കണ് സ്പെഷ്യലിസ്റ്റ് ആശുപത്രി വരെ ഇവര്ക്കുണ്ട്.
പ്രതിദിനം ഏകദേശം 11,500 പരുന്തുകള് വരെ ഇവിടെ ചികിത്സിക്കായി എത്തുന്നുണ്ട്. മെഡിക്കല് കാര്ഡുള്ള ഇവര്ക്ക് പതിവായി ചെക്കപ്പിനുള്ള സംവിധാനവും ഒരുക്കിയിട്ടുണ്ട്. അടിയന്തര സാഹചര്യത്തിനുള്ള ഓപറേഷന് തിയേറ്റര്, വിദഗ്ധ ഡോക്ടര്മാര്, സ്കാനിങ് മെഷിന്, തുടങ്ങിയ സൗകര്യങ്ങളൊക്കെ കണ്ടാല് നമ്മുടെ കണ്ണു തള്ളിപ്പോകും!
