കൊച്ചി : ആദ്യമായി വിമാനത്തില് കയറിയതിന്റെ സന്തോഷം പങ്കുവച്ച് നടന് മണികണ്ഠന് ആചാരി. രാജീവ് രവി സംവിധാനം ചെയ്ത ‘കമ്മട്ടിപാട’ ത്തിലൂടെ സിനിമയില് അരങ്ങേറ്റം കുറിച്ച മണികണന്റെ “ബാലന് ചേട്ടന്” എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു.
തന്റെ പുതിയ സിനിമയായ “അലമാര”യുടെ ചിത്രീകരണത്തിനായി ബാംഗ്ലൂരിലേക്ക് വിമാനത്തില് പോകുന്നതിന്റെ സന്തോഷമാണ് ഫേസ്ബുക്ക് ലൈവ് വീഡിയോയിലൂടെ മണികണ്ഠന് പങ്കുവച്ചത്. മിഥുന് മാനുവല് തോമസാണ് “അലമാര” എന്ന ചിത്രം സംവിധാനം ചെയ്യുന്നത്. സണ്ണി വെയ്നാണ് ചിത്രത്തിലെ നായകന്. ഈ ചിത്രത്തിൽ മണികണ്ഠന് ഒരു പ്രധാനവേഷത്തില് അഭിനയിക്കുന്നുണ്ട്.
