തിരുവനന്തപുരം: നിയമസഭാ സമ്മേളനം തുടങ്ങി മൂന്നാം ദിവസവും ശബരിമല വിഷയം ഉന്നയിച്ച് പ്രതിപക്ഷം രംഗത്ത്. ബഹളത്തിൽ കലാശിച്ചതിനാൽ ഇന്നും 15 മിനിറ്റിനകം സഭ പിരിഞ്ഞു. ചോദ്യോത്തര വേള റദ്ദ് ചെയ്തു. വിഷയത്തില്‍ 8 മണിക്കൂര്‍ ചര്‍ച്ച നടന്നുവെന്ന് സ്പീക്കര്‍ അറിയിച്ചു.സ്പീക്കര്‍ മുന്‍വിധിയോടെ പെരുമാറുന്നുവെന്ന് പ്രതിപക്ഷം ആരോപിച്ചു. സഭ തുടങ്ങി നിമിഷങ്ങൾക്കകം പ്രതിപക്ഷാംഗങ്ങള്‍ നടുത്തളത്തിലിറങ്ങുകയും ചെയ്തു. ഇതോടെ സഭയിൽ ബഹളമുണ്ടായി. ഇതേത്തുടർന്നാണ് ചോദ്യോത്തര വേള റദ്ദ് ചെയ്ത് സഭ ഇന്നത്തേക്ക് പിരിഞ്ഞത്.