തിരുവനന്തപുരം: മാധ്യമനിയന്ത്രണ ഉത്തരവില് ഭേദഗതി വരുത്താന് സര്ക്കാര് ഒരുങ്ങുന്നു. നിലവിലുള്ള സര്ക്കുലറിനെ കുറിച്ച് ചിലര് ആശങ്കകള് ഉന്നയിച്ചിട്ടുണ്ട്. ഇവ പരിഗണിച്ചാണ് മാറ്റങ്ങള് കൊണ്ടുവരിക. നിലവിലെ മാനദണ്ഡങ്ങള് പരിഗണിച്ച് യുക്തമായ മാറ്റങ്ങള് വരുത്തും. കെ.സി. ജോസഫിന്റെ സബ്മിഷനാണ് മുഖ്യമന്ത്രി മാറ്റം വരുത്തുമെന്ന അറിയിച്ചത്. ഔദ്യോഗിക പരിപാടികളിലും മറ്റും അക്രഡിറ്റേഷനോ എന്ട്രി പാസോ ഉള്ള എല്ലാ മാധ്യമ പ്രവര്ത്തകര്ക്കും പ്രവേശനം നല്കും. യഥാര്ത്ഥ മാധ്യമപ്രവര്ത്തകര്ക്ക് ഇക്കാര്യത്തില് യാതൊരു ബുദ്ധിമുട്ടും ഉണ്ടാകില്ലെന്ന് മുഖ്യമന്ത്രി മറുപടി നല്കി. ദൃശ്യ മാധ്യമങ്ങളും ഓണ്ലൈന് മാധ്യമങ്ങളും കൂടുതല് സജീവമായ ഇക്കാലത്ത് മന്ത്രിമാര് ഉള്പ്പെടെയുള്ളവരുടെ പ്രതികരണങ്ങള്ക്കായി മാധ്യമപ്രവര്ത്തകര്ക്ക് ഏതു സമയത്തും അവരെ സമീപിക്കേണ്ടിവരുന്നുണ്ട്. ചില സന്ദര്ഭങ്ങളില് ഇത് സുരക്ഷാ പ്രശ്നങ്ങള്ക്കും ഇടയാക്കുന്നുണ്ട്. 
ഇത്തരം പ്രതികരണങ്ങള് എല്ലാവര്ക്കും സുഗമമായി ലഭിക്കുന്നതിന് മുന്കൂട്ടി എല്ലാവര്ക്കും അറിയിപ്പ് ലഭ്യമാക്കുക എന്ന ഒരു നിര്ദ്ദേശവും മുന്നോട്ടുവച്ചിട്ടുണ്ട്. മാധ്യമങ്ങളെ അറിയിക്കുന്നതിനുള്ള പ്രവര്ത്തനങ്ങള് പി.ആര്.ഡി മുഖേന ഏകോപിപ്പിക്കുന്നതിനുള്ള പൊതു നിര്ദ്ദേശമാണ് ഇപ്പോള് നല്കിയിട്ടുള്ളത്. ഇക്കാര്യത്തില് ചില മാനദണ്ഡങ്ങള് നേരത്തെ നിലവിലുണ്ടായിരുന്നു. ഇപ്പോള് പുറപ്പെടുവിച്ച സര്ക്കുലറിലെ നിര്ദ്ദേശങ്ങളില് ചിലര് ആശങ്കകള് ഉന്നയിച്ചിട്ടുണ്ട്. നിലവിലുണ്ടായിരുന്ന മാനദണ്ഡങ്ങള് കൂടി പരിഗണിച്ച് യുക്തമായ ഭേദഗതി വരുത്തുന്നതാണെന്നും മുഖ്യമന്ത്രി വ്യക്തമാക്കി.
മാധ്യമ നിയന്ത്രണ ഉത്തരവില് ഭേദഗതി വരുത്താന് സര്ക്കാര് ഒരുങ്ങുന്നു
