പൗരത്വ ഭേദഗതി നിയമത്തിനെതിരായി സംസ്ഥാനത്ത് നടക്കുന്ന പ്രതിഷേധങ്ങള് അതിരു വിടരുതെന്ന് മുഖ്യമന്ത്രി പിണറായി വിജയന്. അതിരുവിട്ട് നടക്കുന്ന പ്രക്ഷോഭങ്ങള്ക്കെതിരെ കര്ശന നടപടി ഉണ്ടാകുമെന്നും മുഖ്യമന്ത്രി പറഞ്ഞു. പൗരത്വ ഭേദഗതി നിയമത്തിനെതിരായ തുടര് സമരപരിപാടികള് ആലോചിക്കാന് ചേര്ന്ന സര്വകക്ഷി യോഗത്തിലാണ് മുഖ്യമന്ത്രി ഇക്കാര്യം വ്യക്തമാക്കിയത്.
കണ്ണൂരില് ഗവര്ണര് ആരിഫ് മുഹമ്മദ് ഖാന് പങ്കെടുത്ത ഇന്ത്യന് ചരിത്രകോണ്ഗ്രസിന്റെ ഉദ്ഘാടനച്ചടങ്ങും അനുബന്ധിച്ചുണ്ടായ പ്രതിഷേധങ്ങളും കണക്കിലെടുത്തായിരുന്നു മുഖ്യമന്ത്രി ഇക്കാര്യം പറഞ്ഞത്. എന്നാല് പ്രതിഷേധങ്ങള്ക്കെതിരായ പോലീസ് നടപടികളും കേസും അതിര് കടക്കരുതെന്നും യോഗത്തില് പ്രതിപക്ഷ നേതാവ് രമേശ് ചെന്നിത്തലയും ആവ്യശ്യപ്പെട്ടിരുന്നു.
