ന്യൂഡല്ഹി: നോട്ട് അസാധുവാക്കൽ മൂലം രാജ്യത്തെ ജനങ്ങള്ക്കുണ്ടായ ബുദ്ധിമുട്ടുകള് മനസ്സിലാക്കുന്നുവെന്ന് പ്രധാനമന്ത്രി നരേന്ദ്രമോദി. പണമിടപാടുകളിലെ പ്രതിസന്ധികളെല്ലാം 50 ദിവസത്തിനുള്ളില് പരിഹരിക്കാനാകുമെന്നും നോട്ട് നിരോധനവുമായി ബന്ധപ്പെട്ട വിഷയത്തില് പലരും ജനങ്ങളെ തെറ്റിദ്ധരിപ്പിക്കാന് ശ്രമിക്കുന്നുണ്ടെന്നും “മന് കി ബാത്ത്” പരിപാടിയില് പ്രധാനമന്ത്രി പറഞ്ഞു. ജനങ്ങള് സൈന്യത്തിനൊപ്പം നില്ക്കണം. രാജ്യം മുഴുവന് അവര്ക്കൊപ്പം നില്ക്കുകയാണെങ്കില് സൈന്യത്തിന്റെ ശക്തി 125 കോടിയാകുമെന്നും മോദി പറഞ്ഞു.
പൊതു പരീക്ഷകളില് കശ്മീരിലെ കുട്ടികളുടെ പങ്കാളിത്തം ശ്രദ്ധേയമാണ്. പ്രതിസന്ധികള്ക്കിടയിലും വിദ്യാര്ത്ഥികളുടെ വിദ്യാഭ്യാസത്തില് ശ്രദ്ധിച്ച രക്ഷിതാക്കളെ അഭിനന്ദിക്കുന്നതായും അദ്ദേഹം പറഞ്ഞു.
