മലപ്പുറം: ദേശീയപാതയിലുണ്ടായ വാഹനാപകടത്തില് രണ്ട് ശബരിമല തീര്ത്ഥാടകര് മരിച്ചു. കൊളപ്പുറം ഇരുമ്പുചോലയില് വെച്ച് ശബരിമല തീര്ത്ഥാടകര് സഞ്ചരിച്ച കാര് മിനിബസുമായി കൂട്ടിയിടിച്ചാണ് അപകടമുണ്ടായത്. വടകര പതിയാരക്കര സ്വദേശികളായ വലിയപറമ്പത്ത് വിനോദന് (41) , ജിതിന് (26) എന്നിവരാണ് മരിച്ചത്.
കാറില് കൂടെയുണ്ടായിരുന്ന സുരേഷ്, വിനുരാജ്, ബസ് യാത്രക്കാരായ കൊടിഞ്ഞി സ്വദേശി നീതു, കണ്ണമംഗലം സ്വദേശി ദേവകി എന്നിവര്ക്ക് പരിക്കേറ്റു. പരിക്കേറ്റവരെ തിരൂരങ്ങാടി താലൂക്ക് ആശുപത്രിയില് പ്രവേശിപ്പിച്ചു. മരിച്ച രണ്ടുപേരുടെയും മൃതദേഹങ്ങള് താലൂക്ക് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
