പത്തനംതിട്ട : തിരുവല്ലയില് നഗരത്തില് ഇന്ത്യന് ഓവര്സീസ് ബാങ്ക് ശാഖയില് വന് കവര്ച്ച. 16 ലക്ഷത്തിന്റെ പുതിയ നോട്ടുകളും 11 ലക്ഷത്തിന്റെ പഴയ നോട്ടകളുമടക്കം 27 ലക്ഷം രൂപ കവര്ന്നു.ഗ്യാസ് കട്ടര് ഉപയോഗിച്ച് ജനല്കമ്പി മുറിച്ച് അകത്ത് കടന്നാണ് മോഷണം നടത്തിയത്.
ബാങ്ക് ലോക്കറില് സൂക്ഷിച്ച പണമാണ് കവര്ച്ച ചെയ്യപ്പെട്ടത്. ബാങ്കിന്റെ വിവിധ ശാഖകളിലേക്ക് വിതരണത്തിനായി വച്ച പണവും കവര്ച്ച ചെയ്തെന്നാണ് വിവരം. ബാങ്കില് പോലീസും ഫോറന്സിക് വിദഗ്ധരും പരിശോധന നടത്തി. പ്രദേശത്ത് കനത്ത പോലീസ് സുരക്ഷ ഏര്പ്പെടുത്തിയിട്ടുണ്ട്.
