തിരുവനന്തപുരം: നിയമസഭാ കവാടത്തില് സത്യഗ്രഹ സമരത്തിലുള്ള യു.ഡി.എഫ് എം എല് എമാരുടെ സമരം അവസാനിപ്പിക്കാന് സ്പീക്കര് ഇടപെടണമെന്നാവശ്യപ്പെട്ട് നിയമസഭയില്പ്രതിപക്ഷ ബഹളം. ബഹളത്തെ തുടര്ന്ന് ചോദ്യോത്തരവേള റദ്ദാക്കി സഭ ഇന്നത്തേക്ക് പിരിഞ്ഞു.
പ്രതിഷേധത്തിനിടയിലും ചോദ്യോത്തരവേള തുടര്ന്നെങ്കിലും ബഹളം ശക്തമായതോടെ ഇത് റദ്ദാക്കി സഭ ഇന്നത്തേക്ക് പിരിഞ്ഞതായി സ്പീക്കര് അറിയിക്കുകയായിരുന്നു. ശബരിമല സന്നിധാനത്ത് നിലനില്ക്കുന്ന നിരോധനാജ്ഞ പിന്വലിക്കണമെന്നതുള്പ്പെടെയുള്ള ആവശ്യങ്ങള് ഉന്നയിച്ചാണ് നിയമസഭയ്ക്ക് മുന്നില് പ്രതിപക്ഷ എം.എല്.എമാരായ വി.എസ് ശിവകുമാര്, പാറക്കല് അബ്ദുള്ള, പ്രൊ ജയരാജ് എന്നിവര് സത്യാഗ്രഹ സമരം നടത്തുന്നത്.
