കേരള തീരത്ത് അറബിക്കടലില് അന്പത് കിലോ മീറ്റര് വേഗത്തില് കാറ്റടിക്കാന് സാധ്യതയുള്ളതിനാല് ജൂലൈ 28,30 തീയതികളില് മത്സ്യത്തൊഴിലാളികള് കടലില് പോകരുതെന്ന് സംസ്ഥാന ദുരന്തനിവാരണ അതോറിറ്റി മുന്നറിയിപ്പ് നല്കി. ഇതിനെ തുടര്ന്ന് സംസ്ഥാനത്തെ മൂന്ന് ജില്ലകളില് ഇന്ന് യെല്ലോ അലര്ട്ട് പുറപ്പെടുവിച്ചു.
കേരള തീരത്ത് അറബിക്കടലില് മണിക്കൂറില് 40 മുതല് 50 കി മി വരെ വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ അറിയിപ്പ്. കൊല്ലം, ആലപ്പുഴ, എറണാകുളം ജില്ലകളിലാണ് ഇന്ന് യെല്ലോ അലേര്ട്ട് പ്രഖ്യാപിച്ചത്.
അടുത്ത മണിക്കൂറുകളില് കണ്ണൂര്, കാസര്കോട് ജില്ലകളിലെ ചിലയിടങ്ങളിലും ശക്തമായ മഴയ്ക്ക് സാധ്യതയുണ്ട്. നാളെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര് ജില്ലകളിലും യെല്ലോ അലേര്ട്ടാണ്.
