ലോക്ക്ഡൗണ് നിയന്ത്രണങ്ങള് ഘട്ടംഘട്ടമായി നീക്കിവരുന്നതിനിടെ മുന്നറിയിപ്പുമായി ലോകാരോഗ്യ സംഘടന (ഡബ്ല്യു.എച്ച്.ഒ). അതീവ ജാഗ്രത പുലര്ത്തേണ്ടതുണ്ടെന്നും അല്ലെങ്കിലും കേസുകള് കുതിച്ചുയരുമെന്നും ഡബ്ല്യു.എച്ച്.ഒ മുന്നറിയിപ്പ് നല്കി. ‘ലോക്ക്ഡൗണ് നടപടികള് വളരെ വേഗത്തില് എടുത്തുകളഞ്ഞാല് വൈറസ് വ്യാപനം കുതിച്ചുയരുമെന്നും ലോകാരോഗ്യ സംഘടന ഡയറക്ടര് ജനറല് ടെഡ്രോസ് അധനോം പറഞ്ഞു.
ഇന്ത്യ, ജര്മനി, സ്പെയിന്, ഇറ്റലി തുടങ്ങിയ രാജ്യങ്ങള് ലോക്ക്ഡൗണ് നിയന്ത്രണങ്ങള് നീക്കിതുടങ്ങിയിട്ടുണ്ട്.രാജ്യം വീണ്ടും തുറക്കാനുള്ള സന്നദ്ധത യു.എസ് പ്രസിഡന്റ് ഡൊണാള്ഡ് ട്രംപും അറിയിച്ചിട്ടുണ്ട്. ഈ സാഹചര്യത്തിലാണ് ഡബ്ല്യു.എച്ച്.ഒയുടെ മുന്നറിയിപ്പ്.
