ജ്വല്ലറി നിക്ഷേപ തട്ടിപ്പ് കേസിൽ ജയിലിൽ കഴിയുമ്പോഴും മഞ്ചേശ്വരത്ത് എം.സി കമറുദ്ദീൻ എം.എൽ.എയെ തന്നെ അടുത്ത നിയമസഭാ തെരഞ്ഞെടുപ്പിൽ മത്സരിപ്പിക്കണമെന്ന് ആവശ്യവുമായി ലീഗിലെ അനുകൂലികൾ രംഗത്ത്.
സാമ്പത്തിക തട്ടിപ്പ് കേസിൽ ക്രിമിനൽ വകുപ്പുകൾ ഉൾപ്പെടുത്തി അറസ്റ്റ് ചെയ്ത് എം.സി കമറുദ്ദീനെ ജയിലിലടച്ചതിന് പിന്നിൽ രാഷ്ട്രീയ ഗൂഢാലോചനയാണെന്നാണ് ഇവർ പറയുന്നത്.
എന്നാൽ കമറുദ്ദീനെ മത്സരിപ്പിക്കരുതെന്ന ആവശ്യത്തിൽ എതിരഭിപ്രായവും ശക്തമാണ്. മറ്റ് ലീഗ് നേതാക്കളുടെ പേരുകൾ ഇതിനോടകം മഞ്ചേശ്വരത്ത് ഉയർന്നു കഴിഞ്ഞു. കഴിഞ്ഞ തവണ മഞ്ചേശ്വരം സീറ്റിനായി അവകാശ വാദം ഉന്നയിച്ച മുൻ ജില്ലാ പഞ്ചായത്തംഗം എ.കെ.എം അഷറഫ്, നിലവിലെ കാസർകോട് എം.എൽ.എ എൻ.എ നെല്ലിക്കുന്ന് എന്നിവരുടെ പേരുകളും മണ്ഡലത്തിൽ ഉയരുന്നുണ്ട്.
