വിഴിഞ്ഞം തുറമുഖത്തിന് എതിരായ സമരം അക്രമാസക്തമായതിന് പിന്നാലെ സര്ക്കാരിന് എതിരെ കെ.സി.ബി.സി. വിഷയത്തില് സര്ക്കാരിന് നിഷേധാത്മക നിലപാടാണെന്ന് കെ.സി.ബി.സി കുറ്റപ്പെടുത്തി. സമരക്കാരെ കൂടുതല് പ്രകോപിപ്പിക്കാനാണ് ശ്രമം. സര്ക്കര് വിവേകത്തോടെ പെരുമാറണമെന്നും കെ.സി.ബി.സി ആവശ്യപ്പെട്ടു.
ആര്ച്ച് ബിഷപ് അടക്കമുള്ളവര്ക്ക് എതിരെ കേസെടുത്ത് ദുരുദ്ദേശപരമാണ്. കേസുകള് കൊണ്ടോ ഭീഷണികൊണ്ടോ സമരത്തില് നിന്ന് പിന്മാറില്ലെന്നും കെ.സി.ബി.സി പറഞ്ഞു. അതേസമയം, വിഴിഞ്ഞം മേഖലയില് കലാപം സൃഷ്ടിക്കാന് ചിലര് ഗൂഢശ്രമങ്ങള് നടത്തുകയാണെന്ന് സി.പി.എം ആരോപിച്ചു.
കഴിഞ്ഞ ദിവസം വിഴിഞ്ഞത്തുണ്ടായ സംഭവങ്ങള് അത്യന്തം ഗൗരവതരവും, അപലപനീയവുമാണ്. സമരം ജനങ്ങളില് നിന്നും ഒറ്റപ്പെട്ടുകൊണ്ടിരിക്കുകയാണ്. അക്രമങ്ങള് കുത്തിപ്പൊക്കി കടലോര മേഖലയില് സംഘര്ഷം സൃഷ്ടിക്കുന്നതിനുള്ള പ്രവര്ത്തനങ്ങളാണ് ഇപ്പോള് സമരത്തിൻ്റെ പേരില് നടക്കുന്നതെന്ന് സി.പി.എം പറഞ്ഞു.
