അഞ്ചലില് യുവതി പാമ്പ് കടിയേറ്റ് മരിച്ച സംഭവത്തിലെ ഒന്നാം പ്രതി സൂരജിനെ ഉത്രയുടെ വീട്ടില് എത്തിച്ച് തെളിവെടുപ്പ് നടത്തി. പാമ്പിനെ കൊണ്ടുവന്ന പ്ലാസ്റ്റിക്ക് പാത്രം കണ്ടെടുത്തു. സ്ഥലത്ത് ഫോറൻസിക് വിദഗ്ധർ പരിശോധന നടത്തി. ഉത്രയുടെ മുറിയും പരിസരവും പരിശോധിച്ച പോലീസ് പാമ്പിനെ കൊണ്ടുവന്ന പാത്രം കണ്ടെത്തി. സമീപത്തെ ആളൊഴിഞ്ഞ വീട്ടിന്റെ പരിസരത്ത് നിന്നാണ് പാമ്പിനെ കൊണ്ട് വന്ന ജാർ കണ്ടെടുത്തത്.
ആള്ക്കൂട്ടത്തെ ഒഴിവാക്കുന്നതിനായി യാതൊരു മുന്നറിയിപ്പും ഇല്ലാതെയാണ് ഉത്രയുടെ ഭര്ത്താവ് സൂരജിനെ തെളിവെടുപ്പിനായി കൊടുവന്നത്.
തെളിവെടുപ്പിനിടെ വൈകാരിക രംഗങ്ങളാണ് ഉത്രയുടെ വീട്ടില് ഉണ്ടായത്. എന്തിനാണ് ഞങ്ങളുടെ മകളെ കൊന്നതെന്ന് ഉത്രയുടെ അച്ഛനും അമ്മയും കരഞ്ഞ് കൊണ്ട് സൂരജിനോട് ചോദിച്ചു. ഞാന് ഒന്നും ചെയ്തിട്ടില്ലെന്ന് കരഞ്ഞ് കൊണ്ട് സൂരജും പറഞ്ഞു. ഇന്നലെയാണ് കൊലപാതകവുമായി ബന്ധപ്പെട്ട് സൂരജിനെയും ഇയാള്ക്ക് പാമ്പിനെ നല്കിയ സുരേഷിനെയും പോലീസ് അറസ്റ്റ് ചെയ്തത്. ഉത്രയുടെ സ്വര്ണം തട്ടിയെക്കുന്നതിനായിരുന്നു കൊലപാതകം നടത്തിയത്.
കഴിഞ്ഞ മെയ് ഏഴിന് പുലര്ച്ചെ അഞ്ചലിലെ വീട്ടില് കിടപ്പുമുറിക്കുള്ളിലാണ് ഉത്രയെ പാമ്പുകടിയേറ്റ് മരിച്ച നിലയില് കണ്ടെത്തിയത്. മൂര്ഖന് പാമ്പിന്റെ കടിയേറ്റ് മരിച്ച ഉത്രക്ക് ഭര്തൃവീട്ടില് വെച്ച് മാര്ച്ച് രണ്ടിനും പാമ്പുകടിയേറ്റിരുന്നു.
