ഈ വർഷത്തെ ആദ്യ സൂര്യഗ്രഹണം ഇന്നലെ ലോകത്തിലെ വിവിധ ഭാഗങ്ങളിൽ ദൃശ്യമായി. അപൂർവ കാഴ്ച ആയിരുന്നു ജൂൺ 10ന് ദൃശ്യമായ സൂര്യഗ്രഹണം. ചന്ദ്രനുചുറ്റും അഗ്നി വളയം തീർത്ത ആകാശകാഴ്ചക്ക് കാനഡ സൈബീരിയ തുടങ്ങിയ രാജ്യങ്ങളിലെ പ്രദേശങ്ങൾ സാക്ഷിയായി.

ഗ്രീൻ‌ലാൻ‌ഡ്, വടക്കുകിഴക്കൻ കാനഡ, ഉത്തരധ്രുവം, റഷ്യയുടെ ചില ഭാഗങ്ങൾ എന്നിവിടങ്ങളിൽ പൂർണ്ണ സൂര്യഗ്രഹണം ദൃശ്യമായിരുന്നു. അതേസമയം, യൂറോപ്പ്, വടക്കേ അമേരിക്ക, ഏഷ്യ, ആർട്ടിക്, അറ്റ്ലാന്റിക് പ്രദേശങ്ങൾ ഭാഗിക സൂര്യഗ്രഹണത്തിന് സാക്ഷ്യം വഹിച്ചു.

ഈ വർഷത്തെ ആദ്യ സൂര്യഗ്രഹണം ഇന്ത്യൻ സമയം രാവിലെ 11:42 നാണ് ആരംഭിച്ചത്. 4.11ന് ഗ്രഹണം മധ്യത്തിലെത്തി. വൈകുന്നേരം 6.41ന് സൂര്യഗ്രഹണം അവസാനിച്ചു. സൂര്യനും ഭൂമിക്കുമിടയിൽ ചന്ദ്രൻ കൃത്യമായി നേർരേഖയിൽ വരുമ്പോൾ സൂര്യപ്രകാശം ഭൂമിയിലെത്തുന്നത് തടയുകയും ചന്ദ്രന്‍റെ നിഴൽ ഭൂമിയ്ക്ക് മേൽ പതിക്കുകയും ചെയ്യും. നിഴൽ വീഴുന്ന പ്രദേശത്തുള്ളവർക്ക് സൂര്യനെ കാണാൻ കഴിയാതാകും. ഈ പ്രതിഭാസമാണ് സൂര്യഗ്രഹണം എന്നറിയപ്പെടുന്നത്.