ഫേസ്ബുക്കിനെതിരെ വാള്സ്ട്രീറ്റ് ജേര്ണല് പ്രസിദ്ധീകരിച്ച റിപ്പോര്ട്ടിന് പിന്നാലെ കോണ്ഗ്രസ് ഫേസ്ബുക്കിനയച്ച കത്ത് പുറത്തുവിട്ട് രാഹുല് ഗാന്ധി. ഫേസ്ബുക്ക് ഇന്ത്യാ വിവാദം ഉന്നതതല സമിതി അന്വേഷിക്കണമെന്നാവശ്യപ്പെട്ട് ഫേസ്ബുക്ക് സി.ഇ.ഒ മാര്ക്ക് സുക്കര്ബര്ഗിന് എ.ഐ.സി.സി ജനറല് സെക്രട്ടറി കെ.സി വേണുഗോപാല് ആണ് കത്തയച്ചത്.
അന്വേഷണ റിപ്പോര്ട്ട് പരസ്യപ്പെടുത്തണമെന്നും കത്തില് ആവശ്യപ്പെട്ടിട്ടുണ്ട്. ഞങ്ങള് നേടിയെടുത്ത ജനാധിപത്യത്തെ വ്യാജവാര്ത്തകളിലൂടേയും വിദ്വേഷ പ്രസംഗത്തിലൂടേയും തകര്ക്കുന്നത് അനുവദിക്കാനാവില്ല. രാജ്യത്തെ വ്യാജവാര്ത്തകളുടെയും വിദ്വേഷ പ്രസംഗങ്ങളുടേയും പ്രചാരണത്തിലും ഫേസ്ബുക്കിന്റെ പങ്ക് ജനങ്ങളാല് ചോദ്യം ചെയ്യപ്പെടണമെന്ന കുറിപ്പോടെയാണ് സുക്കര്ബര്ഗിനയച്ച കത്തിന്റെ പകര്പ്പ് രാഹുല് പുറത്തുവിട്ടത്.
