കുടുംബാംഗങ്ങള്ക്കൊപ്പം ഓണം ആഘോഷിച്ച മുഖ്യമന്ത്രി പിണറായി വിജയൻ്റെ ചിത്രമാണ് ഇപ്പോള് സാമൂഹിക മാധ്യമങ്ങളില് വൈറലായിരിക്കുന്നത്. പതിവു വേഷമായ വെള്ള മുണ്ടും ഷര്ട്ടും തന്നെയാണ് മുഖ്യമന്ത്രിയുടെ ഓണക്കോടി. എന്നാല് കുടുംബാംഗങ്ങളെല്ലാം വേഷവിധാനത്തില് ചുവപ്പ് കൊണ്ടുവന്നിട്ടുണ്ട്.
കസവ് കരയുള്ള വെള്ളയും ചുവപ്പും നിറങ്ങള് ഇടകലര്ത്തിയാണ് വേഷം. ഭാര്യ കമല, മകള് വീണ, മകനായ വിവേക് കിരണ്, കൊച്ചുമകന് ഇഷാന്, മകളുടെ ഭര്ത്താവും പൊതുമരാമത്ത് മന്ത്രിയുമായ പി. എ മുഹമ്മദ് റിയാസ് എന്നിവര്ക്കൊപ്പമുള്ള കുടുംബ ചിത്രമാണ് ശ്രദ്ധേയമായിരിക്കുന്നത്.
മുഹമ്മദ് റിയാസാണ് ചിത്രം ഫേസ്ബുക്കിലൂടെ പങ്കുവച്ചത്. ചിത്രത്തിന് താഴെ ആശംസകളുമായി നിരവധി പേരാണ് എത്തുന്നത്.
