യു.പി ബോർഡ് പരീക്ഷയുടെ ഉത്തരക്കടലാസുകളുടെ മൂല്യനിർണയ പ്രവർത്തനങ്ങൾ നടന്നുവരികയാണ്. അതിനിടെ ഉത്തരക്കടലാസുകളിൽ വിദ്യാർഥികൾ കുറിച്ച രസകരമായ കുറിപ്പുകളും പുറത്തുവരുന്നുണ്ട്. ആഗ്രയിൽ, ഹൈസ്‌കൂൾ ഇംഗ്ലീഷ് വിഷയത്തിൻ്റെ ഉത്തരക്കടലാസിൽ ഒരു വിദ്യാർഥി എഴുതിയത് ഇങ്ങനെയായിരുന്നു.

‘വളരെ ബുദ്ധിമുട്ടി അവൻ്റെ വിവാഹം കഴിഞ്ഞു. അമ്മായിയമ്മമാർ അവനെ കൂടുതൽ പഠിപ്പിക്കാൻ ആഗ്രഹിക്കുന്നു. ജോലിഭാരം കൂടുതലാണ്, പഠനം ശരിയായി നടന്നില്ല, സർ ജി വിജയിപ്പിക്കൂ, ഭാര്യ വീട്ടിൽ നാണംകെടുന്നതിൽ നിന്ന് രക്ഷപ്പെടും. സയൻസ് വിഷയത്തിൻ്റെ ഉത്തരക്കടലാസിൽ മറ്റൊരു പരീക്ഷാർത്ഥി എഴുതിയിരുന്നത് ഇങ്ങനെയാണ്. ‘എനിക്ക് അസുഖമാണ്, എന്നെ ഡോക്ടറെ കാണിച്ചു, എന്നിട്ട് അദ്ദേഹം അത്തരമൊരു മരുന്ന് നൽകി, അതുകൊണ്ടാണ് എനിക്ക് പോളിയോ വന്നത്. രക്ഷിതാക്കൾ നിസഹായരാണ്, ദയവായി എന്നെ പാസാക്കുക, അങ്ങനെ എനിക്ക് മാതാപിതാക്കളെ പിന്തുണയ്ക്കാൻ കഴിയും. ‘

ഉത്തരക്കടലാസിനൊപ്പം കൈക്കൂലി വച്ചവരും പ്രേമ ലേഖനം എഴുതിയവരും ഉണ്ട്. ഇപ്പോൾ സോഷ്യൽ മീഡിയയിൽ വൈറൽ ആവുകയാണ് ഈ സംഭവങ്ങൾ. മൂല്യനിർണയ വേളയിലെ ഇത്തരം രസകരമായ അനുഭവങ്ങൾ അധ്യാപകർ പരസ്പരം പങ്കിടുകയും അവർക്കിടയിൽ ചർചാവിഷയമായി തുടരുകയും ചെയുന്നത് പതിവാണ്.

ആഗ്രയിൽ അഞ്ച് മൂല്യനിർണയ കേന്ദ്രങ്ങളിലായി ആറ് ദിവസങ്ങളിലായി ഹൈസ്‌കൂൾ, ഇന്റർമീഡിയറ്റിൻ്റെ 1.86 ലക്ഷം ഉത്തരക്കടലാസുകൾ മൂല്യനിർണയം നടത്തി. ഇന്റർമീഡിയറ്റിൻ്റെ രണ്ടാം ഘട്ടത്തിൻ്റെ പ്രായോഗിക പരീക്ഷകൾ യു.പി ബോർഡ് ഏപ്രിൽ 27 മുതൽ ആണ് ആരംഭിച്ചത്.